مي سليم: اتطلقت من جوزي التاني بعد ١٠ أيام جواز.. والمشاكل حصلت بيننا من أول يوم

علقت الفنانة مي سليم على منشور طليقها الثاني الذي أصدره عقب طلاقهما وأعتبره عدد كبير من الجمهور إهانة لها، وذلك خلال حوارها اليوم ببرنامج العرافة مع الإعلامية بسمة وهبة.

تحيا مصر يرصد تفاصيل تصريحات مي سليم في العرافة

حيث قالت مي: البيوت أسرار، البني آدمة دي كانت على ذمة راجل ومفيش راجل يطلع يكشف أسرار بيته، والناس اتخضت وقالت إزاي يعمل كدا، الصغير والكبير قال عيب.

زواج مي سليم الثاني

وعن المشاكل التي حدثت بينهما بعد الزواج قالت: أنا اصريت على الانفصال، وهو كان مرحب بالانفصال بس هو اتخض من سرعة القرار.. عرفنا بعض ٣ شهور.. كلها كانت تجربة سيئة، وكلامه ضايقني واتضايقت عشان خاطر بنتي، وكل حاجة ربنا بيعملها خير، والمشكلة بينا حصلت من أول يوم.. مفيش حاجة ممكن تنتهي في ١٠ أيام الا لما يكون السبب قاسي.

وتابعت: وأنا مستعدة للجوازة التانية، وزهقت من الوحدة، وأول مرة مكنتش عايزة أنفصل عشان هو كان حنين عليا، مكنتش أتمنى أني أنفصل في الجوازة الأولى أو التانية لأني كنت زي أي بنت عايزة تعيش في سلام.

مي سليم تتألق بأغنية احنا كبنات

وسبق وأن طرحت الفنانة مي سليم أغنية “احنا كبنات”، من كلمات محمد مصطفى ملك، ألحان: محمود أنور، وتوزيع: محمد مجدي، التي حقتت نجاحات ليست بالقليلة منذ طرحها على موقع الفيديوهات الشهير يوتيوب، وتقول كلمات الأغنية: إحنا كبنات عارفين الدخلة الاولى كلها طيبة ورجولة ومحدش غيري هيحاسب فتقولي دة شخص مناسب".

“هو فيه ناس كدة معقولة تدبسي فيه يظهرلك بعض حقايق تبتدي بمزاجي مش رايق يعملك فيها مجنون وفلوسي خلصت مديون دلوقتي انتي المسئولة، فتشيلي الشيلة والحجة بقيتي م العيلة تتخلي ازاي اصيلة لازم تلبسي البسي في الحيط احنا يا بنات مضحوك والله علينا واقل حاجة بترضينا نتصالح لو حصل ايه لو وردة بربع جنيه يحلو الكون في عنينا وهنعمل ايه يعني في صنف الرجالة في الكدب دماغه شغالة ياما شوفنا معاه اسافين في الاخر يعمل مسكين وبيصعب برضو علينا”.