مي سليم عن طليقها الأول: عملتله محضر عدم تعرض.. وأتمنى يقابل بنت الحلال

تحدثت الفنانة مي سليم عن تفاصيل المشاكل التي حدثت بينها وبين طليقها الأول، وذلك خلال حوارها اليوم ببرنامج العرافة مع الإعلامية بسمة وهبة.

تحيا مصر يرصد تفاصيل تصريحات مي سليم في العرافة

حيث قالت مي: أنا لفترة معينة كان فيه مشاكل كبيرة كنت متولي بنتي، والمشاكل اتحلت وكل حاجة رجعت كوبسة، كان فيه فترة فيه بينا مشاكل ودلوقتي على وفاق بس مش ممكن نرجع لبعض، احنا دلوقتي أصدقاء مش أخوات.

وتابعت: مفيش واحدة بتاخد خطوة الخلع اللي ما كان فاض بيها، مرضيش يطلقني، وكان بيحبني، وعايز يرضيني وكانت الظروف أقوى من الحب دا يكمل.

مي سليم وطليقها الأول

واستكملت: حصلت غيرة في فترة وكان عايز يرجع، وعملتله محضر عدم تعرض، فضلنا في مشاكل طويلة قعدت سنين، ووقتها كان السلام أننا نبعد عن بعض، ومكانش فيه لغة حوار بيني وبينه.

وأضافت: أنا مش شخصية مستفزة ومش بحب المشاكل، وممكن الهدوء دا هو اللي كان منرفزه، وهو دلوقتي أتغير خالص وعقل، ومش متجوز، وأتمنى يقابل بنت الناس اللي تريحه، وممكن أجيبله عروسة.

أخر أعمال مي سليم

ومن الجدير بالذكر أن أخر أعمال الفنانة مي سليم أغنية يا بنتي تم طرحها على موقع الفيديوهات العالمي يوتيوب أمس الأحد، وهي من كلمات محمود عبدالله، الحان: محمدي، توزيع: احمد امين، كمان: حماده الموجي، جيتار: احمد حسين، مكساج وماستر: محمد جوده، منتج منفذ : رامز سليمان.

وتقول كلماتها: عدت الأيام يا بنتي و الليلادي الكل شافك وسط فرحه كبيره وانتي قاعده لابسه توب زفافك أيوه رايحه لدنيا تانيه لسه فيها حتبتدي بس قلبي حيبقي عندك مهما عني تبعدي كنت وانا بلعب معاكي بادعي و ف حضنك بَضُم إني اشوفك يوم عروسه زي حلم أي أُم.

وادي أحلامي ودُعايا شوفتهم بعينيا آهُم فهّميني كبرتي إمتي لأ وقلبك داب و حب ياللي لسه ما جاش ف عمري أغلي منك أو أحَب ربنا يهنيكي دايماً باللي تتمنيه يا رب نمسك الخشب النهارده هوه فيه حد ف جمالك لأ وبكره الفرحه تكمل وبإيديا أشيل عيالك بالسلامه وبادعي ليكي طول حياتك تكسبي عايزه اوصي كمان حبيبك شيلها ف عينيك والنبي.