رانيا يوسف: بلبس الحاجات اللي بتليق عليا والناس بتعملي فضيحة عشان يتشهروا على قفايا

فجرت الفنانة رانيا يوسف مجموعة تصريحات جريئة خلال حلولها ضيفة على برنامج العرافة، الذي تقدمه الإعلامية بسمة وهبة على شاشة قناة النهار.

تحيا مصر يرصد في ذلك التقرير تصريحات رانيا يوسف في العرافة

رانيا يوسف تكشف سبب صورتها مع رئيس نادي برشلونة

تحدثت رانيا يوسف عن صوتها مع رئيس نادي برشلونة والتي قالت لها بسمة وهبة بأنها عرضها لفضيحة، لترد عليها: ليه هو أنا متصورة معاه في أوضة نوم.

وتابعت: “أنا اتصورت في كافيه في عز النهار، أنا مش رايحة أحارب، ومشتمنيش ومش هدخل في حياة الشخصية أنا واحدة قابلت واحد في كافيه في المفروض أفتح السي في بتاعه أشوف اتجاته اي، ومش متابعة الكلام ده، وهو مش كاره مصر بدليل إنه كان عايز يتجوز مصرية، ومعلوماتي انه بيحب مصر”.

رانيا يوسف لـ سمية الخشاب: مين اللي طول الوقت تريند

وردت رانيا يوسف على تصريحات سمية الخشاب بأنها لازالت في مرحلة الانتعاش فقالت: مين اللي طول الوقت بيكون تريند، هو مش مقياس للشهرة ولا بيفرق معايا".

وأكدت رانيا يوسف بشأن ملابسها بأنها ترتدي ما يناسبها، وقالت: “بلبس الحاجة اللي بتليق عليا وبشوفها لطيفة”.

واختتمت حديثها: مش ممكن أتعامل مع زينة تاني هي مرعتش الحاجات اللي بينا الزملا.

رانيا يوسف في تصريح جريء: مش بخاف من ربنا هخاف منه ليه؟

وقالت رانيا يوسف خلال البرنامج ردا على سؤال بسمة وهبة بشأن خوفها من الله: “أخاف من ربنا ليه أنا مبعملش حاجة غلط، أنا ربنا خلقني بني أدمة بغلط وبرجع لربنا بس ده مش معناه إني بخاف منه أنا بحبه، ليه ما نحب ربنا وأما بنحب حد عمرك ما هتزعليه، بحبه وبعمل اللي بيقولي عليه ومش بخاف من الموت ده راحة ولا بخاف من يوم الحساب وعندي ثقة مطلقة إني معملتش حاجة غلط، وعلى الفستان أنا غلطت ورجعت”.