رانيا يوسف: مش بخاف من ربنا ولا الحساب لأني مبعملش حاجة غلط ومربية بنتي على الحرية

حلت الفنانة رانيا يوسف ضيفة على برنامج “العرافة”، الذي تقدمه الإعلامية بسمة وهبة على شاشة قناة النهار، والتي فجرت خلال تصريحات جريئة للغاية من بينها عدم خوفها من ربنا.

تحيا مصر يرصد في ذلك التقرير تصريحات رانيا يوسف في برنامج العرافة

رانيا يوسف: مش بخاف من ربنا ولا الموت ولا الحساب

وقالت رانيا يوسف خلال البرنامج ردا على سؤال بسمة وهبة بشأن خوفها من الله: “أخاف من ربنا ليه أنا مبعملش حاجة غلط، أنا ربنا خلقني بني أدمة بغلط وبرجع لربنا بس ده مش معناه إني بخاف منه أنا بحبه، ليه ما نحب ربنا وأما بنحب حد عمرك ما هتزعليه، بحبه وبعمل اللي بيقولي عليه ومش بخاف من الموت ده راحة ولا بخاف من يوم الحساب وعندي ثقة مطلقة إني معملتش حاجة غلط، وعلى الفستان أنا غلطت ورجعت”.

رانيا يوسف: أنا مربية بنتي على الحرية وهي مفيهاش اغراءات

وعن ارتداء ابنتها لفستان البطانة هي الأخرى بعد اثارته للجدل بعدما ارتدته الفنانة في إحدى المهرجانات الفنية، فقالت: “دي طفلة عندها 16 سنة اي الاغراء اللي فيها همنعها ليه، أنا مربية بنتي على الحرية”.

وفي وقت سابق، تحدثت الفنانة رانيا يوسف عن علاقتها ببناتها، وذلك خلال حوارها ببرنامج حبر سري مع الإعلامية أسما إبراهيم، حيث قالت: التبزير صفة وحشة فيا ومحبش بناتي ياخدوها مني، وحسن النية في الناس شديد، بصدق الناس لأني مش بكذب، وأحب بناني يبقوا جرأة، ودي أحسن حاجة فيا، أنا بعمل زي ما أنا عايزة مش زي ما الناس عايزة.

رانيا يوسف: أنا كبرت من المسؤولية في اني ربيت بنتين لوحدي

وتابعت: أنا كبرت من المسئولية، مسئولية أنك تربي بنتين لوحدك في الحياة صعب ومش سهل، وسن المراهقة كان كارثة بالنسبالي.

وأضافت: هبقى حمى قمر، واللي يقرب من بناتي أكله، وأهم حاجة يسعدها ويراعي ربنا فيها ومش مهم يبقى معاه فلوس بس ميستغلهاش.. وبناتي اتبرعلهم بقرنيتي وكليتي وقلبي وكل حاجة، وهما أغلى من أي حاجة وعايشة عشانهم، الشوف مش بالعينين الشوف بالقلب والاحساس.