أوس أوس: بقيت زملكاوي بالعند في أبويا وهبعد عن الفن لما أحس أني مش مستمتع

تحدث الفنان أوس أوس عن أسرار في حياته الشخصية، كما كشفت عن سر تشجيعه للزمالك، موضحًا أنه كان يشجع الأهلي منذ الصغر.

تحيا مصر يرصد لكم تصريحات أوس أوس

وقال أوس أوس خلال استضافته في برنامج حبر سري: اشتغلت شغلانات كتير زمان عشان الواحد يبقى ليه لازمة في الدنيا وأنا كنت من أسرة ميسورة بس كنت بجيب مصروفي بدل ما أبويا يصرف عليا.

أوس أوس: احنا بنصرف على الفن أكتر من اللي بناخده  

وتابع أوس أوس: بقينا نصرف على الفن أمتر من اللي بناخده منه وزمان كان في رفاهية والناس مبسوطة دلوقتي كلنا سواسية والدنيا صعبة على الكل.

أوس أوس: كنت أهلاوي وأنا صغير وبقيت زملكاوي بالعند في أبويا بس

وكشف أوس أوس: كنت أهلاوي وأنا صغير وكنت بسمع كلام أبويا لحد ما كبرت لما فضل يقولي بلاش تعمل كذا ويأمرني فقررت إبقى زملكاوي بالعند فيه ولو كنت بشجع نفس الفريق أنا وأبويا مش هيبقى فيه أكشن.

واستكمل: الكورة هي ترفيه للناس ومينفعش الناس تتعصب عليها لان الكورة لإسعاد الجماهير 

أوس أوس: هبعد عن الفن لما أحس إني مش مستمتع

وعن أمكانية اعتزاله الفن قال: هقرر ابعد عن الفن لما احس إني مش مستمتع بيه، والفن هواية ومش بروح أعمل مشهد وأنا مضايق منه حتى لو جالي فلوس الدنيا وعمرنا ما نعمل حاجة مش مستعمتعين بيها أو مش حبنها حتى لو بفلوس كتير جدًا.

تصريحات أوس أوس

وسبق وتحدث أوس أوس نجم مسرح مصر عن العلاقة بين نجوم مسرح مصر وإظهار حبهم على المسرح، وقال:عشان اتربينا فى مدرسة أستاذ أشرف عبد الباقي، وهو رجل له تاريخ كبير قرر يقف بجانبنا ووثق فى قدراتنا ويترك لنا مساحة التمثيل.

وتابع: وهو بيدخل فى آخر 10 دقائق يقول المعلومة المهمة فى العمل، وكل ما رأينا من أستاذ أشرف هو ما تعلمناه فى مجالنا"

وأضاف: الفنان الذى لا ينجح فى مصر لا ينجح بأى مكان آخر، ويهمنا تقديم العديد من المسرحيات فى مصر مثلما نفعل فى السعودية.

واستكمل: والأستاذ أشرف عبدالباقى يسعى مع المسؤولين لتسهيل بعض المعوقات التى تواجه العمل المسرحى من ارتفاع بعض التكاليف وقيمة التذاكر