يسرا: أنا بنت قسوة أبويا وكل شخص بيموت بياخد حتة من قلبي معاه

تحدث الفنانة يسرا عن الفنان الراحل هشام سليم وتأثير وفاتها عليها، كما تحدثت يسرا عن قسوة والدها معها ومع والدتها.

تحيا مصر يرصد لكم تصريحات يسرا

وقالت يسرا خلال استضافتها في برنامج أنا والقناع: أنا شقيت وتعبت عشان النجومية وملهاش علاقة بالطمع والطمع في النجومية  للي جعان نجومية بس.

يسرا: بكره أشوف نفسي ضعيفة وبخاف جدًا من المرض

وتحدثت يسرا عن خوفها من المرض وقالت: الموت علينا حق والمرض علينا حق لكن المرض احساسك بيه واذا كنتي هتقومي منه ده صعب جدًا وبكره أشوف نفسي ضعيفة ومفيش حد في الدنيا مش عايز يشوف صورته حلوة مدى الحياة

يسرا: كل شخص بيموت بياخد حتة من قلبي معاه وحزني على هشام سليم لا ينتهي

كما تحدثت يسرا عن وفاة هشام سليم وقالت: من أسوأ وأصعب اللحظات إنى أفقد عزيز و كل واحد فيهم بياخد حتة من قلبي وبيروح معاه، وهشام سليم كان راضي بالمرض والموت وكل حاجة ربنا ادهاله  وخصوصًا في أخر سنتين وحزني عليه لا ينتهي زي حزني على أمي.

وأضافت يسرا: و في ناس غالية وحلوة وكانت بتحطلك في حياتك معنى وبتروح منك ودي من أصعب الامتحانات اللي بتمر بيه في حياتك

يسرا: أنا بنت قسوة أبويا لأني مقدرش اتبرى منه بس أمي هي اللي شقيت عليا

كما تحدثت يسرا عن قسوة والدها معها وقاغلت: أنا بنت قسوة أبويا وبنت محمد حافظ نسيم وعمري ما أقدر اتبرى من اسم أبويا.

وأضافت: بس أنا بنت أمي سهيلة لأن هي اللي ربت وشقيت عشان أكون على اللي أنا فيه انهاردة، ومرة قولت لأمي ليه اختارتي أب قاسي وقالتلي أن هي اختارت غلط ومكنش ينفع تستمر، وهو كان قاسي عشان ماما مشيت ولما كبرت فهمت هي مشيت ليه وكان عندها حق لأن مفيش ست عندها كرامة هتحب تتهان.

وخلال اللقاء ذاته تحدثت عن والدتها وقالت: كان نفسي أشوف أمي بتشوفي أزاي وفي لحظة قبل وفاتها كنت حاسة بكده وكنت فرحانة وزعلانة، وكنت بخدمها في فترة تعبها وكنت تحت رجليها ولو كنت أقدر أعمل أكتر من كده ليها كنت عملت، وحسيت بوفأة أمي قبلها بيوم وقولت لإلهام شاهين سبيني عشان ماما هتموت بكرة وعايزة أقعد معاها وفعلاً حصل وماتت.