بحس انهم حواليا.. ناهد السباعي تكشف تفاصيل تواصلها مع الأموات

تحدثت الفنانة ناهد السباعي عن تفاصيل تواصلها مع الأموات، وذلك خلال لقائها ببرنامج vip مع الإعلامية أميرة بدر المعروض عبر شاشة قناة هي. 

تحيا مصر يرصد لكم تصريحات ناهد السباعي الأخيرة 

ناهد السباعي وتواصلها مع الأموات

فقالت ناهد السباعي: ابقى بيتعرضلي فيلم وانا عارفه ان اخويا الله يرحمه كان بيحب شغلي وفخور بيا ممكن احس ان هو مبسوط وفرحان وحواليا وممكن احلم بيه، والموضوع ده لما اتكلمت ليه الناس افتكرت ده دجل. 

وتابعت: والموضوع العكس صحيح ولما الناس بتبقى روحانية وبتقرب من ربنا بشكل معين بتحس ان ربنا بيوجهها وكده ربنا بيكلمني، ودي مش رسالة ممكن ابقى بحلم بيه او احس انه حواليا.

ناهد السباعي: بأمن بالحسد.. وبكلم ربنا بأسلوبي أحسن من الأدعية المكتوبة 

كما قالت ناهد السباعي: بأمن بالحسد ولو الواحد عنده عادات الصبح وأول الليل بتعملها ومبحبش اتكلم في الحتة دي عشان الناس ممكن تتريق عليا، بس هي اذكار وسورة البقرة والمعوذتين وسورة الإخلاص وبصلي الحمد لله.

وأضافت: لو الواحد كلم ربنا بأسلوبه أحسن من حاجات مكتوبة زي الأدعية وطلبت من ربنا قبل كده اني امثل وانجح واعمل افلام مهمة تعيش وان اهلي يبقوا فخورين بيا وربنا يحفظلي اهلي.

وفي نفس الحلقة، قالت: اي حاجة ببقى عايزة اعملها بفضل وراها لحد ماعملها ودؤوبة، بس متسرعة في كل حاجة ومستعجلة، مش عندية ومتساهلة جدًا ومش بخلي أي حاجة تعكنن مزاجي.

واستطردت عن والدتها: الناس مش بتقول عليا متدلعة ومامتي ست قوية وطول عمرها بتقول ان جدو دايمًا بيعتبرها الراجل بتاعه.

ناهد السباعي في مسلسل الأجهر

وكانت قد شاركت ناهد السباعي متابعيها البوستر الرسمي لشخصيتها بمسلسل الأجهر المقرر عرضه في رمضان، وذلك عبر حسابها الرسمي بموقع تبادل الصور والفيديوهات الشهير انستجرام. 

وظهرت السباعي في البوستر بمظهر الفتاة البسيطة الشعبية مع طرحة مربوطة على رأسها، وذلك عبر خاصية ستوري بانستجرام. 

ويشارك في بطولة مسلسل الأجهر، كل من النجوم: عمرو سعد، أحمد مجدي، سيد رجب، وسيتم التعاقد مع باقي ابطال العمل خلال الفترة المقبلة، وهو من تأليف ورشة كتابة ملوك، وإخراج ياسر سامي، وإنتاج شركة سيدرزآرت برودكشن للمنتج صادق الصباح.