رانيا يوسف: مش هتجوز تاني.. واتجوزت في الأول عشان خوفت على سمعتي

أكدت الفنانة رانيا يوسف على أنها كررت تجربة الزواج بعد زيجتها الأولى خوفًا من المجتمع، وذلك في حوارها اليوم ببرنامج العرافة مع الإعلامية بسمة وهبة.

تحيا مصر يرصد تفاصيل تصريحات رانيا يوسف في العرافة

حيث قالت رانيا: اتجوزت الجوازة التانية والتالتة عشان خوفت على سمعتي بعد طلاقي من مختار، وكان فيه ضغط من المجتمع عليا، وكنت بعمل حساب للمجتمع لكن دلوقتي لا.

زيجة رانيا يوسف التانية

وتابعت رانيا: ملحقتش أسأل على جوزي التاني، كنا في ٢٠١١ وكنت عايشة لوحدي، وحصل بيني وبين ابو البنات مشاكل كتير ومكنتش لاقية حد يحميني، وأنا لما اتجوزته كانت نيتي معاه كويسة.. أنا محدش بيضحك عليا، ومش هتجوز ومش هحب.

تصريحات رانيا يوسف في حبر سري عن بناتها

وفي وقت سابق، تحدثت الفنانة رانيا يوسف عن علاقتها ببناتها، وذلك خلال حوارها ببرنامج حبر سري مع الإعلامية أسما إبراهيم.

حيث قالت رانيا: التبزير صفة وحشة فيا ومحبش بناتي ياخدوها مني، وحسن النية في الناس شديد، بصدق الناس لأني مش بكذب، وأحب بناني يبقوا جرأة، ودي أحسن حاجة فيا، أنا بعمل زي ما أنا عايزة مش زي ما الناس عايزة.

رانيا يوسف تتحدث عن علاقتها ببناتها

وتابعت: أنا كبرت من المسئولية، مسئولية أنك تربي بنتين لوحدك في الحياة صعب ومش سهل، وسن المراهقة كان كارثة بالنسبالي.

وأضافت: هبقى حمى قمر، واللي يقرب من بناتي أكله، وأهم حاجة يسعدها ويراعي ربنا فيها ومش مهم يبقى معاه فلوس بس ميستغلهاش.. وبناتي اتبرعلهم بقرنيتي وكليتي وقلبي وكل حاجة، وهما أغلى من أي حاجة وعايشة عشانهم، الشوف مش بالعينين الشوف بالقلب والاحساس.

دعم رانيا يوسف لمرضى السرطان

وعلى الصعيد الآخر، حرصت الفنانة رانيا يوسف على دعم مرضى السرطان وذلك من خلال زياراتها لمستشفى شفاء الأورمان لعلاج الأورام بالمجان.

وزارت الفنانة رانيا يوسف المستشفى على هامش فعاليات مهرجان الأقصر للسينما الإفريقية، خلال دورته الـ12، ورافقتها المخرجة عزة الحسيني مدير المهرجان، لتقديم الدعم النفسي والمعنوي لمحاربي الأورام السرطانية، الذين يتلقون العلاج بالمستشفى.