محمد رمضان بعد مقلب رامز جلال: قلبي كان هيقف وهو بيبذل مجهود عشان يبسط الجمهور

أعرب الفنان محمد رمضان عن شدة خوفه من مقلب رامز جلال في رامز نيفر اند، حيث كان ضيف أولى حلقاته التي تعرض على شاشة قناة mbc مصر.

تحيا مصر يرصد في ذلك التقرير تصريحات محمد رمضان بعد الكشف عن مقلب رامز

وقال محمد رمضان بعد الكشف عن المقلب: “قلبي كان هيقف قدر كنت بلعت لساني”.

وتابع محمد رمضان خلال حديثه عن رامز جلال: بيبذل مجهود جبار عشان يبسطكم كفايا إنه بيخسر صحابه عشانكم.

رامز جلال عن محمد رمضان: الأسطورة هيطقطق زي الفشار

وقدم رامز جلال محمد رمضان فقال: “بداية مشواره جامح زي الحصان من غير لجان ضربني في جنبي على خوانة وكنت هاخده جوز قلام هعمل معاه الصح والتمام ناوي ادهمله وأدشمله وأقضي على نمبر وان، نجم أبضاي ومهوس بالسوشيال ميديا". 

وتابع: “الأسطورة هيطقطق زي الفشار”. 

كما سخر من أدواره الفنية فقال: “عامل أدوار تاريخية أمال رفاعة الدسوقي ده ايه”.

محمد رمضان: عندي 16 عربية

وكان قد صرح محمد رمضان خلال ضيافته في برنامج رامز نيفر اندد بأنه يمتلك 16 عربية ونفى امتلاكه أي طائرات خاصة، من جانب سخر رامز جلال منه قائلا: “بيشحتهم من صحابه وبيرجعمله تاني”.

هذا وكشف محمد رمضان عن سبب مشاركته في مسلسل جعفر العمدة، فقال: “الشيء الأول فكرة السن، أن أنا بجسد شخصية أكبر مني بعشرين سنة، فدا تحدي كبير جدا أن ازاي الجمهور يصدق أن محمد رمضان في المسلسل سنه 55 سنة، فدا شيء استفزني كممثل،  أي شخص عنده طموح وأي شخص حريص سعادة جمهوره وأن هو يقدؤ ينال إعجابهم”.

وأضاف: “طول الوقت احنا بنشوف ازاي نتخطى نجاحتنا السابقة، يعني الحمد لله الأسطورة كنت جي من ابن حلال كان بردو تحدي صعب، البرنس كذلك، نسر الصعيد قدرنا قدرت أني أطلع من عباية الشب الشعبي لظابط شرطة، فكل مسلسل ليه تحدياته”.