رانيا يوسف عن بناتها: اللي يقرب منهم أخربشه.. وأبوهم بعيد عنهم بناء على رغبته

تحدثت الفنانة رانيا يوسف عن علاقتها ببناتها، وذلك خلال حوارها اليوم ببرنامج حبر سري مع الإعلامية أسما إبراهيم.

تحيا مصر يرصد تفاصيل تصريحات رانيا يوسف في حبر سري

حيث قالت رانيا: التبزير صفة وحشة فيا ومحبش بناتي ياخدوها مني، وحسن النية في الناس شديد، بصدق الناس لأني مش بكذب، وأحب بناني يبقوا جرأة، ودي أحسن حاجة فيا، أنا بعمل زي ما أنا عايزة مش زي ما الناس عايزة.

رانيا يوسف وبناتها

وتابعت: أنا كبرت من المسئولية، مسئولية أنك تربي بنتين لوحدك في الحياة صعب ومش سهل، وسن المراهقة كان كارثة بالنسبالي.

وأضافت: هبقى حمى قمر، واللي يقرب من بناتي أكله، وأهم حاجة يسعدها ويراعي ربنا فيها ومش مهم يبقى معاه فلوس بس ميستغلهاش.. وبناتي اتبرعلهم بقرنيتي وكليتي وقلبي وكل حاجة، وهما أغلى من أي حاجة وعايشة عشانهم، الشوف مش بالعينين الشوف بالقلب والاحساس.

واختتمت حديثها عنهن: أقر واعترف أني متحملة مسئولية بناتي من حيث كل حاجة وأبوهم بعيد عنهم بناء على رغبته هو، وتعبت من المسئولية، بس بحبها.

مبالغة رانيا يوسف في ملابسها

وفي الحلقة ذاتها، كشفت الفنانة رانيا يوسف عن رأيها في تطبيق الدريس كود بالدورة الماضية من مهرجان القاهرة، حيث قالت رانيا: دريس كود يعني لبس يليق بالمهرجان والبطانة غلطة وعدت، رانيا بقيت الهدف في أي مهرجان هتلبس ايه.. وكل الناس لبست كويس، وأنا مش ضد الفكرة، ومتهيأليش أنه يقصد أنه ممنوع حد يلبس مفتوح أو قصير وأكيد مش هنروح بعبايات، أنا أفورت في مرة وكانت غلطة.

كما ردت رانيا يوسف على كل من ينتقد طريقة لبسها ويصفه بالعريان، حيث قالت: فيه زميلات بيلبسوا مفتوح أكتر مني ومحدش بيجيب سيرتهم، ربنا مديني جسم حلو وبلبس اللي انا عايزاه انا مش بلبس عريان، أنا بلبس اللي بيليق عليا.

دعم رانيا يوسف لمرضى السرطان

وعلى الصعيد الآخر، حرصت الفنانة رانيا يوسف على دعم مرضى السرطان وذلك من خلال زياراتها لمستشفى شفاء الأورمان لعلاج الأورام بالمجان.

وزارت الفنانة رانيا يوسف المستشفى على هامش فعاليات مهرجان الأقصر للسينما الإفريقية، خلال دورته الـ12، ورافقتها المخرجة عزة الحسيني مدير المهرجان، لتقديم الدعم النفسي والمعنوي لمحاربي الأورام السرطانية، الذين يتلقون العلاج بالمستشفى.