رانيا يوسف: حظي وحش في الرجالة وعمري ما اتجوزت عرفي

كشفت الفنانة رانيا يوسف عن أنها غير مستعدة للزواج مرة أخرى في الفترة الحالية، وذلك خلال حوارها اليوم ببرنامج حبر سري مع الإعلامية أسما إبراهيم.

تحيا مصر يرصد تفاصيل تصريحات رانيا يوسف في حبر سري

إمكانية زواج رانيا يوسف مرة أخرى

حيث قالت رانيا: الجواز سهل، المشكلة هتجوز مين، لسه ملقتش الشريك اللي يريحني، ولغاية دلوقتي لا مش عايزة اتجوز، ومتعقدش أنا أعقد بلد، أنا مش عايزة فارس أحلام.

وتابعت: أنا عايزة حد متفاهم، يحترم شغلي وخصوصيات ووقتي، واللي اتجوزتهم ولا واحد فيهم ليه فضل عليا.. ومحمد مختار مساعدنيش بمكالمة تليفون.

الزواج العرفي في رأي رانيا يوسف

وعن زواجها من المنتج محمد مختار قالت: أنا اتجوزت منتج 12 سنة وأنتج لطليقته، ومتدخلتش في شغله.. البدايات دائما جميلة لكن لما أحس أنه مش السند بيقع من نظري فالموضوع بيخلص.

وعن رأيها في الزواج العرفي قالت: وعمري ما اتجوزت عرفي لأن مفيش حاجة تجبرني على دا، انا واضحة وصريحة ومفيش حاجة اخبيها، أحب شريكي يبقى في النور.. و3 مشاريع جواز وفشلوا، وحظي وحش في الرجالة ولغاية دلوقتي زفت.

رانيا يوسف تتحدث عن الرجل في حياتها

وسبق وأن حلت الفنانة رانيا يوسف ضيفة على برنامج ضيفة على برنامج gossips، والتي كشفت من خلاله عدد من التصريحات المثيرة للجدل، والتي من بينها علاقتها بالرجال.

وقالت رانيا يوسف متحدثة عن الرجل في حياتها: الرجالة مش موجودين في حياتي دلوقتي خلينا نهتم بنفسنا ووقتنا يبقى لينا ولجمالنا وصحتنا ونومنا مش عايزين نكد.

وتابعت: مفيش راجل بيقع في الحب وأول 3 شهور بتكون لطيفة وبعد كدة الدنيا بتتقلب، ومشوفتش راجل بيقع في الحب لانهم بيفكروا أكتر بغرزيته مش بعاطفيته، والمفروض الراجل يقبل الست زي ما هي بمميزاتها وعيوبها، إحنا أروح بتتلاقى مش أشكال بتتلاقى.

أخر أعمال رانيا يوسف

ومن الجدير بالذكر أن أخر أعمال رانيا يوسف مسلسل “عالم تاني” الذي تم طرحه يوم 16 من شهر يناير الماضي، وكانت تدور احداث المسلسل حول فكرة لو علمتم الغيب لاخترتم الواقع حيث تتعرض «نغم» عازفة البيانو لحادث يغير حياتها رأسا على عقب لتصل لمرحلة من مراحل الشفافية الروحية.