غادة عادل: مجدي الهواري معملش معايا حاجة وحشة.. ولو اتجوز هفرحله

تحدثت الفنانة غادة عادل عن علاقتها بطليقها مجدي الهواري خلال لقائها ببرنامج أنا والقناع المعروض عبر شاشة قناة الحياة، كما كشفت عن إمكانية زواجها مرة أخرى. 

تحيا مصر يرصد لكم تصريحات غادة عادل

غادة عادل: مجدي الهواري معملش معايا حاجة وحشة.. ولو اتجوز هفرحله

وقالت غادة عادل: امدح في مجدي الهواري كمان وكمان، وهو معملش حاجة وحشة ورجولة حقيقية وجدعنة. 

وتابعت: وكل سنة بتمر عليا بتأكد انه كان لازم يكون ابو ولادي وبلاقي منه كل الخير ولو اتجوز هفرحله وعلاقتنا مودة ورحمة وصداقة.

غادة عادل والزواج مرة أخرى 

وعن إمكانية زواجها مرة أخرى، قالت: مقدرش اقول لا خالص اني مش هتجوز وعندي اعتبارات كتيرة عشان الولاد ميستوعبوش انه هيتجوز ومظنش اني هعملها قبل مجدي والقرار مش سهل عليا، واحب اشوفه هو متجوز الاول.

تصريحات أخرى لـ غادة عادل 

-في ناس بتفتكر الطيبة هبل وعبط، ومقدرش اقول على نفسي طيبة، بس مبقدرش أاذي حد.

-لما ببقى زعلانة أو غضبانة أو خايفة ببقى مبتسم، ومش شاطرة في لبس الأقنعة واما بضحك بيجي حد بيقولي عينك مش فرحانة. 

- انا شخصية خجولة وباخد شعري ده قناع عشان مشوفش الناس أوي

- انا قلبي رهيف وحساسة جدًا

- في ناس بجحة وفي ناس صريحة بزيادة وفي ناس منافقة وبتبدل الاقنعة كتير

- عايزة اعيش في سلام وادي غادة اللي هي تستاهله وكل المواقف الوحشة ادتني قوة في البعد عن الناس اللي مش كويسة

أخر أعمال غادة عادل في الدراما والسينما 

وشاركت غادة عادل في السباق الرمضاني الماضي من خلال مسلسل “أحلام سعيدة”، الذي تدور أحداثه في إطار كوميدي اجتماعي حول 3 سيدات من شرائح اجتماعية مختلفة تعانين من مشكلات في النوم، ويجمعهن القدر للتغلب على مشكلاتهن سويًا، وهو من بطولة يسرا، غادة عادل، مي كساب، انتصار، هشام إسماعيل، محمد أوتاكا، ومن تأليف هالة خليل، وإخراج عمرو عرفة.

وفي السينما، يذكر أن آخر أعمال غادة عادل فيلم 11:11 بطولة إياد نصار وإنجي المقدم وعمر الشناوي ومحمد الشرنوبي ونور إيهاب ومن تأليف ياسر عبد الباسط وإخراج كريم أبو زيد.