أحمد العوضي: احنا بنعمل مسلسل بيحترم المشاهد والعلاقة بين مهرة وجابر في ضرب نار حقيقة

تحدث الفنان أحمد العوضي عن نجاح أعماله مع زوجته الفنانة ياسمين عبد العزيز، كما كشف عن كواليس مسلسل ضرب نار والعلاقة التي تجمعهم في العمل المقرر عرضه في رمضان 2023.

تحيا مصر يرصد لكم تصريحات أحمد العوضي

وقال أحمد العوضي خلال لقائه في برنامج إي تي بالعربي: لما عملنا مسلسل اللي مالوش كبير مع بعض ربنا رزقنا ونجح وطلعنا في برنامج منى الشاذلي ونجحنا، ووالناس حابة الموضوع وبتحبنا مع بعض ولازم الناس تبقى حابة الاتنين مع بعض عشان نقدر نعمل مسلسل.

وتابع: احنا بنعمل مسلسل بيحترم المشاهد ومش بنعمل حاجة لا تليق بالجمهور وبيبقى في ثقة بينا وبين الجمهور.

أحمد العوضي: العلاقة بين مهرة وجابر حقيقة

كما تحدث العوضي عن مسلسل ضرب نار وكواليس العمل وقال: العلاقة بيم مهرة وجابر علاقة حقيقة بتحصل فيها التقلبات بين الناس الحقيقه بتاعت واحد بيحب واحدة وعليك ضغط.

وأضاف: احنا لازم ننجح زي مسلسل اللي مالوش كبير بس زي ما نجحنا مع بعض في اللي مالوش كبير فمينفعش تكرروا نفسكوا بنفس الطريقة.

أحمد العوضي:  الكيميا بيني أنا وياسمين حلوة والشغل بينا مُريح

كما تحدث الفنان أحمد العوضي عن علاقته بزوجته ياسمين عبد العزيز في العمل، كاشفًا بأنه يحب العمل مع ياسمين على عكس أي ممثل آخر، وقال أحمد العوضي خلال لقائه في برنامج إي تي بالعربي: احنا بنحب نشتغل مع بعض، أنا بحب اشتغل مع ياسمين، ياسمين بتحب تشتغل مع عوضي، الكيميا بينا حلوة، الشغل بينا مريح، وأنا ببقى شايل هم ياسمين زي ما ببقى شايل همي وهي بتبقى شايلة همي برضو وبيبقى الموضوع كويس.

وأضاف: لما بشتغل مع حد تاني مش بيبقى بنفس الحميمية حتى لو هو حبيبي أو أخويا أو اختي أو زميلتي عمرها ما هتبقى بنفس الحميمية بنفس اتنين متجوزين.

أحمد العوضي: قريب هنعمل فيلم أنا وياسمين

وعن أمكانية تقديم فيلم سينمائي يجمعهم كشف العوضي: ممكن بس مش دلوقتي بس ياسمين عندها فيلم هتعمله بعد العيد،  وأنا عندي فيلم البلدوزر مع طارق العريان ودي خطة مؤجلة.