ريهام عبد الغفور: والدي أسسني صح وكلبي المتوفي كان ملاكي الحارس

تحدثت الفنانة ريهام عبد الغفور عن تفاصيل خاصة بحياتها الشخصية، وعلاقتها بأبنائها ووالدتها وولدها، كما كشفت عن سر حزنها على كلبها المتوفي.

تحيا مصر يرصد في ذلك التقرير تصريحات ريهام عبد الغفور في مساء dmc

ريهام عبد الغفور: ولادي مش بيخافوا مني بس بيخافوا على زعلي

كشفت ريهام عبد الغفور خلال حلولها ضيفة على برنامج مساء dmc، عن علاقتها بـ أبنائها، فقالت: “بحب أولادي أوي وعلاقتي بيهم قريبة، إحنا صحاب وبنتكلم في كل حاجة متفاهمين جدا، وابني الكبير دخل المجال، والصغير علاقتي بيه كويسة وببقى عايزة أكون صحبتهم أكتر من أي حاجة، وهما مش بيخافوا مني قد ما بيخافوا على زعلي”.

وعن كونها ابنة، فقالت: “أنا مطيعة وبخاف على زعل أمي أوي وبحاول اكون بنت بارة”.

ريهام عبد الغفور: والدي عرفني أن الواحد مش هيسيب غير السيرة

وتطرفت بحديثها عن والدها، فقالت: “أسسني صح، وفهمني الحجات اللي أنا مؤمنة بيها وإن الواحد مش هيسيب غير سيرة، وليه تأثير عليا فنيا وانسانيا”.

أما عن أصدقائها، فأوضحت ريهام عبد الغفور: “صحابي خارج الوسط الفني وحنان مطاوع من الوسط الفني ومنى زكي ومنة شلبي وبسمة وياسمين عبد العزيز، وحنان الأقرب، وخارج الوسط هما صحابي الأكتر منهم رانيا السيد وبوسي صديقة عمري، عندي أصحاب كتيرة جدا وأنا من الناس المحظوظة اللي عندي أصحاب كتير”.

ريهام عبد الغفور: كلبي كان ملاكي الحارس واتأثرت من انتقادات البعض ليا

وتطرقت ريهام عبد الغفور بحديثها عن كلبها المتوفي، معربا عن شدة تأثرها بالتعليقات السلبية: “كلبي كان عنده 5 سنين وكان قريب مني ومش مجرد كلب زي ملاك حارس بيحس بيا لما كنت بتعب في اللوكشين كان هو بيتنطط في البيت، وخدت كمية تريقة من الناس بعد ما نزلت الصورة وكنت مستغربة جدا ان الناس بتحكم على مشاعر البني أدم”.

كما كشفت عن تأثرها من التعليقات السلبية على السوشيال ميديا، فقالت: “ساعات بتأثر لما الحجات بيدخلوا فيها أهلى أو أولادي، في ناس بيبقوا قاصدين يضايقوا الشخص”.

واختتم ريهام عبد الغفور حديثها بالحديث عن أعمالها الفنية التي تتمنى العمل بها، فقالت: “نفسي أدخل العالم اللي مدخلتوش وهو النفسي والعقلي، نفسي اتكلم عن مرض نفسي أو عقلي انا بحب الحجات الصعبة، وأتمنى يجيلي فرصة أعمل حاجة في الاتجاه ده”.

وتابعت عن طقوس رمضان: “بقالي كتير معشتش طقوس رمضان، وهخلص تصوير مسلسلي قريب، فكرة الخروج ده مش أوي بقعد اتفرج على التليفزيون وأهلى يجولي بس”.