ريم البارودي: بابا كان روحه شباب.. ولما قالولي عايزين نزرعله رئة قولت هكلم ريهام سعيد

تحدثت الفنانة ريم البارودي عن والدها، ولحظاته الأخيرة خلال لقائها ببرنامج صبايا الشمس مع الإعلامية ريهام سعيد عبر شاشة قناة الشمس. 

تحيا مصر يرصد لكم تصريحات ريم البارودي 

ريم البارودي: بابا كان روحه شباب.. ولما قالولي عايزين نزرعله رئة قولت هكلم ريهام سعيد  

وقالت ريم البارودي: بابا كانت روحه شباب.. كان في المستشفى بقاله ٩ أيام بس واخر فترة كان تعبان مبيتكلمش، وعلى طول سرحان، ويوم ٣ اختي قالتلي بابا تعبان اوي تعالي وديني المستشفى واخدت جوزها وراحت وقالتلي ده تعبان أوي وشكله مختلف، فـ لبست بسرعة وروحتله قالي أنا خلاص يا ريم قولتله انت ليه عايز تزعلني. 

ريم البارودي: فضلت خمس أيام مبنامش 

وتابعت: وبعدين دخل العناية المركزة ويوم ٤ عدى ويوم ٥ بابا بيصغر وبيخس وتحت عينه بيغمق ودينا قالتلي بابا تعبان جدًا جدًا انتي مؤمنة وبتصلي وعايزة افهمك ان بابا على اجهزة مش عشان يتحسن.. عشان يعيش وساعتها رفضت جدًا قولتلها انتي كدابة ويوم ٦ دينا قالتلي ريم بابا عايز زراعة رئة قولتلها هكلم ريهام سعيد ومن يوم ٥ لـ يوم ٩ مكنتش بنام. 

وأضافت ريم: كان طيب أوي، يوم الوفاة لاقيت دينا بتعيط جدًا وقالتلي بابا تعبان اوي ويوم ١٠ كان كويس اوي وشرب مية زمزم وقال أنا عايز شاي وقالي ادي للناس فلوس أنا طالعة كريمة زيه. 

أزمة ريهام سعيد وريم البارودي

جدير بالذكر، أنه بدأت عند تسريب مقطع صوتي للفنانة ريم البارودي على مواقع التواصل الاجتماعي قالت فيه: «جزمة زينة برقبة ريهام سعيد أنت بتقارن مين بمين؟ دي بينطبق عليها إذا خاصم فجر.. دي واحدة فاجرة ومكروهة ربنا أداها كل حاجة وسلب منها كل حاجة.. خليها كدا ربنا بيعذبها أكتر وأكتر اللهم لك الحمد أنا عندي ناس زي الفل حواليا».

وخرجت ريهام عن صمتها لترد على ريم من خلال بث مباشر على فيس بوك أوضحت فيه أنها تفاجأت بعدم وجود ريم جانبها خلال أزمة تصريحاتها عن مرضى السمنة، وأن الأزمة اشتعلت عندما اتصلت بأحد الصحفيين تخبره بأن ريهام وضعت علامة إعجاب على صورة لطليقها الفنان أحمد سعد، وعندما حاول الصحفي الدفاع عنها فتحت ريم النار، وبعد سنوات من القضاء والمحاكم انتهت أزمة ريم البارودي مع ريهام سعيد بدفع الغرامة المالية التي قدرها 20 ألف جنيهًا عن طريق محاميها لإنهاء النزاع والصراع بينهم.