لقاء الخميسي عن أزمة الطفل شنودة: ربنا رب قلوب ميرضاش باللي حصله

خرجت الفنانة لقاء الخميسي لـ تدافع عن الطفل شنودة، التي هزت قصته مواقع التواصل الإجتماعي المختلفة والمواقع الإخبارية، مؤكدة أن ما يحدث مع الطفل ليس له علاقة بالإنسانية.

تحيا مصر يرصد في ذلك التقرير تفاصيل دفاع لقاء الخميسي عن الطفل شنودة

لقاء الخميسي عن الطفل شنودة: “ربنا رب قلوب ميرضاش باللي حصل”

وكتبت لقاء الخميسي عبر حسابها الرسمي بموقع تبادل الصور والفيديوهات انستجرام: “طفل يتيم عيلة مصرية اصيلة وطيبة اتبنته،  بأي حق تاخدوه منهم وتحرموه من حضن أهله وبيته،  بأي حق تحرمو طفل من حياة كريمة وترحعوه تاني لملجأ بأي حق تحرموه من انه يبقى عنده عيلة ويتعلم ويكبر ويحلم وهو حاسس بالأمان”.

وتابعت: "ربنا رب قلوب مايرضاش باللي حصل، كفاية افكار ترجعنا لورا الله واحد وكل الاديان دين الله والمحبة هي الدين الحقيقي كفانا رجعية".

لقاء الخميسي وتعرضها للتنمر

سبق وأن تعرضت لقاء الخميس لهجوم وتنمر مؤخرا، وذلك بسبب تصريحات جدلية لها عن أول حب في حياتها  وأصدقائها الرجال، وردت لقاء الخميسي على هذا الهجوم فقالت: رسالة للصحفيين اللي بيكتبوا الاخبار عشان يعملوا تريندات وحاجة حراقة عشان يبقى فيه ناس كتير بتدخل والخبر يبقى تريند، يا تكتب الخبر كامل وصح كما قيل يا متكتبوش اصلا.

وتابعت حديثها، قائلة: رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين او يصمت مبتحبش متقولش ممكن نختلف في الأراء لكن لازم نتعلم ازاي نحترم الاختلاف، ياريت نبطل نهين بعض ونرفض أفكار بعض كل واخد زي ماتربى وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح ان اهاجم حضرت، الحاجة بقت تزهق بصراحة.

لقاء الخميسي تكشف أزمات النجوم

وأضافت لقاء الخميسي: الممثل عنده نفس التفاصيل اللي بتمر بيها، أزمات نفسية ومادية وعائلية ومشاكل ومنحبش نوريكوا مشاكلنا، احنا موجودين في الدنيا عشان خاطر نبسطكم ونفرحكم ونقدملكم محتوى يغير مودكم، احنا بنيجي على نفسنا عشان نبسطكم وبنحب شغلتنا وبنحبكم فرجاءا حبونا شوية وادونا هوا وشوفونا بني أدمين طبيعين عندنا مشاكل وصدقوني مفيش حد في العالم معندوش مشاكل كل واحد ربنا بيديله على قد قدراته، الرحمة حلوة يجماعة.