ياسمين عز: نضفني وادعكي ورا ودن جوزك لأنه حتة ألماس

وجهت الإعلامية ياسمين عز عدة نصائح إلى السيدات، كما طالبت منهم الاهتمام بأدق التفاصيل لجوزها، وذلك تحت عنوان دروس تنظيف الزوج.

تحيا مصر يرصد لكم تصريحات ياسمين عز

وقالت ياسمين عز في برنامجها كلام الناس الذي يعرض عبر قناة أم بي سي مصر:  زي ما بدي دروس في تفخيم الزوج في دروس تنضيف الزوج.

ياسمين عز: لازم تنضفي وتدعكي  ورا ودن جوزك

وأضافت: نضفي وادعكي ورا ودن جوزك.. أنت بريمو في النضافة كلور رايح وديتول جاي وبتيجي عند ورا ودن جوزك وبتكسلي.

وتابعت: بتشوفي زوايا وشراشيب وأبعاد السجادة ومش بتشوفي ورا ودن جوزك.. يا ريت تهتمي بأدق التفاصيل هو نضيف من قاعه لقمته، ولكن في حتة الماس في عوامل خارجية ممكن تلوثها نهتم بيها علشان هو واجهتك الراجل بيعبر عن بيته لو هو نضيف يبقى مراته نضيفة.

ياسمين عز تعلن عرض برنامجها في رمضان

وكانت قد أعلنت ياسمين عز عن استمرار عرض برنامجها في شهر رمضان المقبل، ولكنها لم تكشف عن تفاصيل البرنامج وقالت:  البرنامج ده مش مقلب ده برنامج حقيقي وفرعوني والمقلب الحقيقي إنك تعتقدي أنك مش هتشوفيني في رمضان ولكن هتشوفيني على قلبك لازم أطل عليكي في رمضان.

وكعادتها وجهت ياسمين عز نصائح السيدات بعدم تخزين الأغذية في شهر رمضان، قائلة: عندنا عادة لازم نبطلها وهي الفرزنة، وإنك تفرزني كل حاجة في الفريزر علشان تجهزيها وتتبلي 20 كيلو من البانيه وتحطها في الفريزر، وفاضل تفرزني الضيوف، حتى حوسة رمضان ما بقاش فيها بركة بلاش افترى وخلي اليوم بيومه محدش ضامن عمره.

نصائح ياسمين عز للسيدات في أول يوم رمضان

وسبق ووجهت ياسمين عز نصائح للسيدات في أول أيام رمضلن وقالت: الموضة ظهرت أن انتي تفطري عند مامتك وجوزك يفطر عند مامته كأنكوا منفصلين، وده مينفعش لأنه ميصحش تدخلي عند مامتك من غير جوزك فرعونك لأنه بيمشي يحرسلك الطريق، ومينفعش تسيبي فرعونك يفطر لوحده أول يوم رمضان.

وتابعت: وكل واحده من اخواته هتهتم بجوزها وحماتك هتهتم بالفرعون الأكبر حماكي وجوزك مفيش حد مهتم بيه.