ياسمين عز تعلن عرض برنامجها في رمضان: قاعدة على قلبكوا

كشفت الإعلامية ياسمين عز عن استمرار عرض برنامجها في شهر رمضان المقبل، ولكنها لم تكشف عن تفاصيل البرنامج.

تحيا مصر يرصد لكم تصريحات ياسمين عز

وقالت ياسمين عز خلال حلقة اليوم من برنامجها كلام الناس لذي يعض  عبر شاشة mbc مصر: البرنامج ده مش مقلب ده برنامج حقيقي وفرعوني والمقلب الحقيقي إنك تعتقدي أنك مش هتشوفيني في رمضان ولكن هتشوفيني على قلبك لازم أطل عليكي في رمضان.

ياسمين عز توجه نصائح للسيدات في رمضان: بلاش تخزني الأكل

وكعادتها وجهت ياسمين عز نصائح السيدات بعدم تخزين الأغذية في شهر رمضان، قائلة: عندنا عادة لازم نبطلها وهي الفرزنة، وإنك تفرزني كل حاجة في الفريزر علشان تجهزيها وتتبلي 20 كيلو من البانيه وتحطها في الفريزر.

وأضافت ياسمين: فاضل تفرزني الضيوف، حتى حوسة رمضان ما بقاش فيها بركة بلاش افترى وخلي اليوم بيومه محدش ضامن عمره.

نصائح ياسمين عز للسيدات

وسبق ووجهت ياسمين عز نصائح للسيدات في أول أيام رمضلن وقالت: الموضة ظهرت أن انتي تفطري عند مامتك وجوزك يفطر عند مامته كأنكوا منفصلين، وده مينفعش لأنه ميصحش تدخلي عند مامتك من غير جوزك فرعونك لأنه بيمشي يحرسلك الطريق، ومينفعش تسيبي فرعونك يفطر لوحده أول يوم رمضان، وكل واحده من اخواته هتهتم بجوزها وحماتك هتهتم بالفرعون الأكبر حماكي وجوزك مفيش حد مهتم بيه.

ياسمين عز للسيدات: مينفعش تروحي عند حماتك قبل الفطار بخمس دقايق

واستكملت ياسيمن عز: متدخليش مكان من غير جوزك وأعلمي قرعة وغشي فيها واعملي الناتج لصالحه وافطري عند حماتك، والموضوع  بسيط هما 30 يوم هقسموه عند بعض ومتعمليش فيها ضيفة، و بلاش تروحي عند حماتك قبل الفطار بـ خمس دقايق عشان هتبقي لبانة على كل لسان، وانتي بتروحي بكامل بهجتك وتقولي اساعدكوا في حاجة وتعملي مسلسل وهما بيكونوا مخلصين كل حاجة.

واستطردت:  لما بتروحي عند مامتك بتصحي عيالك من الفجر وتقوليلهم يلا هنروح عند تيتا وبتروحي تجهزي كل حاجة ، أما حماتك بتروحيلها قبل الفطار بخمس دقايق، و المفروض تحضري معاهم الأكل وتغسلي المواعين لأن سلايفك مش شغالين عندك، عشان هتبقى لبانة وسيرة على كل لسان وهيقولوا مرات محمد جاية قبل الفطار ومعمتلش أي حاجة.