نصائح ياسمين عز للسيدات في رمضان: لازم تفطري عند حماتك أول يوم وقللي من السحور بره البيت

وجهت الإعلامية ياسمين عز عدة نصائح للسيدات في رمضان، كما كشفت عن طريقة معاملة الزوجة لحماتها في رمضن خاصةً في العزومات.

تحيا مصر يرصد لكم تصريحات ياسمين عز

وقالت ياسمين عز خلال برنامجها كلام الناس الذي يعرض عبر قناة أم بي سي مصر: الموضة ظهرت أن انتي تفطري عند مامتك وجوزك يفطر عند مامته كأنكوا منفصلين، وده مينفعش لأنه ميصحش تدخلي عند مامتك من غير جوزك فرعونك لأنه بيمشي يحرسلك الطريق.

ياسمين عز: مينفعش فرعونك يفطر أول يوم لوحده في رمضان

وتابعت: مينفعش تسيبي فرعونك يفطر لوحده أول يوم رمضان، وكل واحده من اخواته هتهتم بجوزها وحماتك هتهتم بالفرعون الأكبر حماكي وجوزك مفيش حد مهتم بيه.

واستكملت ياسيمن عز: متدخليش مكان من غير جوزك وأعلمي قرعة وغشي فيها واعملي الناتج لصالحه وافطري عند حماتك، والموضوع  بسيط هما 30 يوم هقسموه عند بعض ومتعمليش فيها ضيفة.

ياسيمن عز للسيدات: مينفعش تروحي عند حماتك قبل الفطار بخمس دقايق

وأضافت ياسمين عز: بلاش تروحي عند حماتك قبل الفطار بـ خمس دقايق عشان هتبقي لبانة على كل لسان، وانتي بتروحي بكامل بهجتك وتقولي اساعدكوا في حاجة وتعملي مسلسل وهما بيكونوا مخلصين كل حاجة.

واستطردت:  لما بتروحي عند مامتك بتصحي عيالك من الفجر وتقوليلهم يلا هنروح عند تيتا وبتروحي تجهزي كل حاجة ، أما حماتك بتروحيلها قبل الفطار بخمس دقايق.

وتابعت ياسمين: المفروض تحضري معاهم الأكل وتغسلي المواعين لأن سلايفك مش شغالين عندك، عشان هتبقى لبانة وسيرة على كل لسان وهيقولوا مرات محمد جاية قبل الفطار ومعمتلش أي حاجة.

ياسمين عز للسيدات : اعملي لمامتك فرخة ولحماتك بطة عشان جوزك يحس بالتقدير

كما طالبت ياسمين عز من السيدات أن تدعو حماتها للفطار في أول يوم وقالت: اعزمي حماتك في رمضان زي ما هتعزمي مامتك، وأعلمي لمامتك فرخة ولحماتك بطة في العزومة، وجوزك فرعونك حبيبك هيحس بالتقدير ويعرف انه اختار صح والاختيار الصحيح في المكان الصحيح.

وأضافت: لما تعزمي أهل جوزك وزمايلك تعزمي في بيتك مش بره  البيت وجوزك يدفع من جيبه، وقللي من الفطار والسحور بره البيت وكل قرش بيصرفه فرعونك جوزك وبيتك أولى بيه.