مسلسلات رمضان 2023.. سلوى عثمان ضيفة شرف في جعفر العمدة

تشارك الفنانة الكبيرة سلوى عثمان، كضيفة شرف في مسلسل «جعفر العمدة» بطولة النجم محمد رمضان، والمقرر عرضه في السباق الرمضاني المقبل 2023.

تحيا مصر يرصد مشاركة سلوى عثمان في مسلسل جعفر العمدة.

أبطال مسلسل العمدة

مسلسل "العمدة" تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر، وبطولة محمد رمضان، زينة، هالة صدقى، إيمان العاصى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، دعاء حكم، أحمد داش، بيومى فؤاد، فريدة سيف النصر، جورى بكر، لما كتكت، طارق النهرى، أحمد عبد الله.

قصة مسلسل العمدة

تدور أحداث المسلسل فى إطار اجتماعى شعبى، حول جعفر العمدة (محمد رمضان) وهو في العقد الرابع من عمره، متزوج بـ 3 سيدات، ويمتلك شركات للمقاولات ويدخل فى العديد من الصراعات سواء فى عمله أو بعيداً عن العمل، ثم يقابل خلال مشواره "عايدة" (زينة) ويتعرف عليها وتنشأ بينهما قصة مليئة بالمفاجآت التى تكشفها الأحداث.

تصريحات سلوى عثمان التليفزيونية

على الصعيد الآخر، قالت سلوى عثمان خلا استضافتها في برنامج كلام الناس التي تقدمه الإعلامية ياسمين عز ويعرض عبر قناة ام بي سي مصر: اتجوزت مرتين والمرة الأولى انفصلت وبعد كام سنة اتجوزت زوجي الحالي وبقالنا 15 سنة متجوزين.

وتابعت: شغلي بالنسبة لي خط أحمر مع أي حد بتجوزه وبتفق أني عمري ما هسيب شغلي وحطيت بند في عقد زواجي من زوجي الحالي علشان الشغل والمأذون سألني في شرط عاوزة تحطيه في العقد قلت له أني ما أسيبش شغلي.

وأضافت: زوجي الحمد لله حابب الشغل بتاعي ومتفهم، وعارف أني بكون مشغولة في رمضان وساعات بنبات في الشغل وعنده فكر ومحتوي الموضوع، ومع ذلك أنا مش بقصر معاه في البيت مش معنى إني مشغولة ما عرفش حاجة عن هدومة وشغله لكني عندي ترتيب في حياتي أني ما أقصرش.

واستكملت سلوى: الشغل رقم واحد في حياتي، وبحاول أيضًا أن زوجي يكون رقم واحد وبكون مسؤولة عن كل شيء يخصه من لبس وأكل.

وأكدت سلوى: التفاهم مهم جدًا في العلاقة وبتعمر الحب، والحب ممكن يروح لأسباب مختلفة لكن لو متفاهمين هيقدروا على الحياة الزوجية لأن الحب ممكن يضيع بأي شكل.

وتابعت: لازم الخلافات تكون متقبلة بين الطرفين لأني ممكن أقبل عيوب في جوزي واحدة تانية ما تقبلش بيها والعكس لأننا مش ملايكة وكلنا عندنا عيوب وكل واحد له شخصيته ولازم يكون فيه تفاهم، وفيه حد لازم نقف عنده من غير ما نعديه وده نوع من التفاهم.

وأضافت: في حاجات ممكن تعديها وحاجات لأ، أنا مثلًا عصيبة أكتر منه وهو بيكون هادي وساكت وهو لما يتعصب بهدى كل واحد فينا بيستحمل التاني، لكن العصبية ليها حدود ما ينفعش يدخلوا في مناطحات وألفاظ مش لذيذة.