منة فضالي عن شخصيتها في مسلسل جعفر العمدة: جاهلة وبتتصرف بغشومية

تحدثت الفنانة منة فضالي عن تفاصيل شخصيتها في مسلسل جعفر العمدة، والتي تجسد خلاله شخصية “نرجس”، ومن المقرر عرضه ضمن سباق مسلسلات رمضان 2023.

تحيا مصر يرصد في ذلك التقرير تفاصيل شخصية منة فضالي في مسلسل جعفر العمدة

منة فضالي في جعفر العمدة

وقالت منة فضالي خلال لقائها مع ميديا هب “سعدي- جوهر”، متحدثة عن نرجس: “شخصية فكاهية، مش كوميدية أوي بس دمها خفيف، مش جاهلة بس مخها على قدها وتفكرها محدود وطيبة جدا ورومانسية وشقية جدا وتحس انها كوكتيل ومن الشخصيات الصعبة عشان فيها شغل كتير والدور صعب وكان محتاج مجهود وتركيز، وحاولت على قد مقدر اشتغل على نفسي ومحمد سامي مسبناش".

وتابعت: "نرجس طيبة بس ساعات بتتصرف تصرفات بتتفهم غلط على إنها شريرة، هي جاهلة فبتتصرف على طبيعتها وبغشومية بس هي طيبة جدا".

وعن وجه الشبه والاختلاف بين منة فضالي ونرجس، قالت: “شبهي إني مجنونة وبتتصرف بتلقائيتي ورومانسية، ومختلفة عني اني جاهلة وممكن في الكوميدية عشان أنا مش عارفة أنا كوميدية ولا لا".

منة فضالي عن محمد رمضان: ممثل عبقري اتعلمت منه كتير مع إنه أصغر مني

وتحدثت منة فضالي أيضا عن تعاونها مع الفنان محمد رمضان خلال مسلسل جعفر العمدة، فقالت: أنا بحبه جدا على المستوى الشخصي، والشغل معاه ممتع جدا  وعبقري بيعمل مجهود وباخد منه كتير في المشاعر واستفدت منه مع إنه أصغر مني وهو متفوق جدا في حاجات كتير ومتنوع في أدواره  وبقوله مبروك من قلبي ومبسوطة اني اشتغلت معاه.

بينما قالت عن محمد سامي: صديق وعزيز على قلبي وده تاني عمل ليا معاه، هو مميز ومخلتف وبيحب الممثل اوي ومش بيفرق في المعاملة وبيدي كل واحد حقه وبيذاكر وبيذاكر للمثل وبيديله الاحساس والأداء وبيتعب جدا، وبقوله شكرا ثقته فيا كبيرة، ومحمد سامي حاجة كبيرة جدا بالنسبالي لأنه من المخرجين الكبار.

مسلسل جعفر العمدة

ومن المقرر عرض مسلسل جعفر العمدة على شاشة قناة dmc وdmc دراما، فضلا عن عدد من القنوت الفضائية الغير مصرية، ومن المقرر ان يحقق نجاح كبير حيث يمثل عودة قوية بين محمد رمضان ومحمد سامي بعد غياب.