حسن شاكوش بعد امتناع أصدقائه من حضور زفافه: مبقتش اتصدم خلاص وكنت بقول يارب الفرح يخلص بسرعة

حرص مطرب المهرجانات حسن شاكوش على توجيه الشكر إلى زملائه من الفنانين اللذين حرصوا على حضور حفل زفافه، كما وجه رسالة للممتنعين عن حضور حفل الزفاف.

تحيا مصر يرصد لكم تصريحات حسن شاكوش

وقال حسن شاكوش في لايف عبر حسابه بموقع تبادل الصور والفيديوهات انستجرام: بشكر كل النجوم اللي جاتلي الفرح اشكر كل نجم شرفني في فرحي ومنهم تامر حسني ووجوده كان حاجة كبيرة أوي ليا، وأنا وتامر أخوات وأنا من الفانز بتوعه وده ميقللش مني.

حسن شاكوش يوجه رسالة للممتنعي عن حضور حفل زفافه

كما وجه حسن شاكوش رسالة إلى متتنعي حضور حفل زفافه وقال:  اللي مش هتحتاج قفاه دلوقتي هتحتاج وشه بعدين، وأي حد أنا عزمته وهو كان فاضي ومجاش ده مووضع تاني وكلنا في الأخر في مركب واحدة.

حسن شاكوش: زعلت واتصدمت لما ناس قريبة مني مجتش الفرح

وأضاف: الناس اللي جتلي الفرح أنا مكتفي بيهم الواحد زعل واتصدم أن في ناس كانت قريبة ومجتش الفرح بس أنا مبقتش اتصدم غير مثلا في أخ أو أخت، وأن أخويا من لحمي من دمي يعمل معايا حاجة كبيرة انما كصاحب لا مفيش الكلام ده.

كما كشف الفنان حسن شاكوش عن سبب غياب مصطفى كامل نقيب المهن الموسيقين عن حفل زفافه وقال: مصطفى كامل مجاش الفرح عشان دراعه كان مكسور  وربنا يشفيه.

وأوضح حسن شاكوش: واحد من الإذاعيين عزمته على الفرح ومجاش وأما الفرح عمل تريند كلم مدير أعمالي أعمل معاه حلقة.

كما كشف شاكوش عن تعاونه خلال الفترة المقبلة مع الفنان رضا البحراوي وقال: في شغل جامد مع رضا البحراوي هنشتغل عليه في رمضان وهينزل على العيد.

كما تحدث شاكوش عن الفنانة هنادي مهنا وقال: هنادي مهنا قمر السينما المصرية وحتة قمر ربنا يحميها ويخليها لجوزها.

حسن شاكوش: مش هطلع في برنامج رامز السنادي

كما كشف شاكوش عدم تواجده في برنامج مقالب رامز هذا العام وأوضح: أنا وحمو بيكا مش موجودين في رامز السنادي.. احنا خلاص أكلنا وش الطبق.

كما تحدث شاكوش عن طارق علام وقال: طارق علام أول واحد جه الفرح ولقيته واقف ورايا وأما قالي أنا شاهد على الجواز كانت أسعد أيام حياتي.