إيهاب توفيق: هقدم أدعية في رمضان المقبل وهعمل أغاني فرفشة الفترة الجاية

كشف الفنان إيهاب توفيق عن أعماله خلال الفترة المقبلة، موضحًا أنه سيشارك في السباق الرمضاني المقبل بأدعية، كما تحدث إيهاب توفيق عن والدته الراحلة.

تحيا مصر يرصد لكم تصريحات إيهاب توفيق

وقال إيهاب توفيق خلال لقائه في برنامج ET بالعربي: إن شاء الله هقدم أدعية في رمضان السنادي زي مانا متعود كل سنة على تقديمها.

وأشار إيهاب توفيق إلى أنه سيطرح أغنية جديد خلال الفترة المقبلة تحمل اسم ليه تعاتب الناقص، مضيفًا أنه سيقدم مجموعة من الأغاني السنجل عقب موسم رمضان 2023، موضحًا: بعد رمضان هقدم شوية أغاني سينجل ويارب تعجب الجمهور، وكمان في أغنية الفترة الجاية أغنية دراما اسمها ليه هتعاتب في الناقص، وباقي الأغاني هتبقى فرفشة، يعني أغنية واحدة نكد والباقي فرفشة.

إيهاب توفيق: احنا من غير الأمهات ضايعين

كما تحدث  إيهاب توفيق عن والدته الراحلة والتي توفت عام 2014، وقال: الله يرحم أمي وجميع أمهاتنا وحقيقي احنا من غير الأمهات ضايعين.

آخر أعمال إيهاب توفيق

الجدير بالذكر أن آخر أعمال إيهاب توفيق هي أغنية  البنت الحلوة على التيك توك بتدلع، والتي طرحها عبر قناته بموقع الفيديوهات العالمي يوتيوب، وحققت الأغنية ما يقترب من 31 ألف مشاهدة على اليوتيوب.

كلمات الأغنية

البنت الحلوة الأمورة
على وضعها دايما مشهورة
وكل الناس بيها مبهورة
وعشان كدا دايما مغرورة

البنت الحلوة الأمورة
على وضعها دايما مشهورة
وكل الناس بيها مبهورة
وعشان كدا دايما مغرورة

عالتيك توك بتدلع
وقلبي يشوفها بقى يولَّع
وفكل مكان صيتها مسمع
ولما تغني الناس تسمع

آه وعالتيك توك بتدلع
وقلبي يشوفها بقى يولَّع
وفكل مكان صيتها مسمع
ولما تغني الناس تسمع

البنت الحلوة العربية
تهت فعينيها العسلية
ولما تبص بحنية
بتوقع ييجي ألف ومية

البنت الحلوة العربية
تهت فعينيها العسلية
ولما تبص بحنية
بتوقع ييجي ألف ومية

ولما بترقص على المقسوم
الدنيا بتقعد كدا وتقوم
كدا وتقوم
وأما تعدي فنص اليوم
القلب يقول لي شو مهضوم

ولما بترقص على المقسوم
الدنيا بتقعد كدا وتقوم
وأما تعدي فنص اليوم
القلب يقول لي شو مهضوم

عالتيك توك بتدلع
وفكل مكان صيتها مسمع
ولما بترقص على المقسوم
وأما تعدي فنص اليوم