عدوية شعبان عبد الرحيم لتحيا مصر: غيرت اسمي بسبب الفضايح اللي بيعملها أخويا والناس بتشتمني بسببه

أعرب الفنان عدوية شعبان عبد الرحيم نجل الفنان الراحل شعبان عبد الرحيم، عن استيائه الشديد من تصرفات شقيقه عصام، كما وجه له العديد من النصائح.

تحيا مصر يرصد لكم تصريحات عدوية شعبان عبد الرحيم

وقال عدوية في حواره لموقع تحيا مصر:  أبويا لما كان عايش مفيش حد كان بيقدر يتكلم في وجوده وعيب اللي عصام  بيعمله ده.

وتابع نجل شعبان عبد الرحيم: أنا عايز ربنا يهديه ويخلي باله من أفعاله عشان احنا عندنا 35 حفيد عيب لما يقولوا علينا تافهين.

عدوية شعبان عبد الرحيم: غيرت اسمي بسبب الفضايح وقلة القيمة اللي بيعملها أخويا

وأضاف:غيرت اسمي عشان عصام بيعمل حاجات مش عجباني  بقوله خلي بالك من  نفسك ومننا عشان أنت أكبر من كده عيب الفضايح  وقلة القيمة اللي بتحصل.

عدوية شعبان عبد الرحيم: أبويا اسمه الحقيقي قاسم 

كما كشف عدوية شعبان عبد الرحيم أن اسم والده الحقيقي هو قاسم وليس شعبان وأوضح: أبويا اسمه الحقيقي قاسم، وأنا اسمي حسام وغيرت اسمي وده بقى اسمي الحقيقي 

واستكمل عدوية: الناس بتشتمني بسبب أخويا عصام وكله بيتريق وأنا مش بتاع الكلام ده.

عدوية شعبان عبد الرحيم يغير اسمه إلى حسام

وكان قد أعلن الفنان عدوية شعبان عبد الرحيم عن تغيير اسمه إلى حسام قاسم، وذلك من خلال منشور عبر حسابه الشخصي على موقع التواصل الاجتماعي فيسبوك، حيث كتب عدوية: يعني هو كل حاجة تحصل يقولو ولاد شعبان ؟؟.. أنا قررت أغير اسمي من انهاردة، أنا حسام قاسم الحقيقي، معنديش استعداد أنزل من نفسي ومن قمتي 
وقيمت أبويا كل يوم الناس تقولي أخوك عمل مع عامل النظافة اخوك عمل مع وحدة حركات مش كويسة".

وأضاف عدوية شعبن عبد الرحيم: احنا أكبر من كدة واسم أبويا استحالة يتبهدل بـ الطريقة دي أنا يا جدعان اسمي حسام قاسم عبد الرحيم  ياريت بقى الباقي يحترم اسم شعبان عبد الرحيم وتعملو حاجة تشرف عشان احنا عندنا عيال كبيرة بلاش خيابة، اسم شعبان عبد الرحيم قيمة كبيرة جدا، الله يرحمك يا اسطورة.