خاص| لبنى عزت: أنا جاهلة جدًا في السوشيال ميديا وضد التريند السلبي

كشفت الفنانة لبنى عزت أنها لا تهتم بالسوشيال ميديا ولكن تحاول التفاعل مع جمهورها، كما كشفت لبنى عن رأيها في التريند .

تحيا مصر يرصد لكم تصريحات لبنى عزت

وقالت الفنانة لبنى عزت في تصريح خاص لموقع تحيا مصر: أنا جاهلة جدًا في السوشيال ميديا وبحاول اتعلم واتفاعل مع الناس لأنهم بيشجعوني على كده  وطول الوقت بيطلبوا مني نعمل فقرة أسئلة.

لبنى عزت: أنا مش مع التريند السلبي

أنا مش مع التريند السلبي لأن أي حد ممكن يطلع  يقول اي حاجه يبقى تريند عالمي وأنت عشان تبقى موجود في تريند تبقى عارف انت بتعمل إيه وبتصدر للناس إيه عشان دي  مسئوية كبيرة وأي معلومة الإنسان بيقولها  بتوصل من  أغر حد لأكبر حد دي مسئولية مش حاجه تفرح.

تصريحات لبنى عزت

كما تحدث الفنانة الشابة لبنى عزت عن كواليس مشاركتها في مسلسل أولاد عابد، والذي عرض خلال الفترة الماضية وحقق نجاحًا كبيرًا، وقالت: المخرج أكرم فريد كان ليه فضل كبير عليا،  وناس كتير متعرفش أن أول مرة مثلت في حياتي كانت معاه، واحنا عملنا بروفات كتير ومبسوطة جدًا برد فعل الجمهور ومكنتش متوقعة كده واحنا حضرنا كويس وربنا وفقنا.

لبنى عزت: شخصيتي في أولاد عابد كانت تركيبة غريبة

كما تحدثت لبنى عن تفاصيل شخصية قمر التي قدمتها في العمل وقالت: شخصية قمر اللي قدمتها في مسلسل أولاد عابد مكنتش شريرة زي ما الكل فاكر، هي تركيبة غريبة ومش شريرة لأنها مستغلتش أي حاجة، وهي دبش على الفاضي واللي في قلبها على لسانها.

أما عن تقديم جزء ثاني من مسلسل أولاد عابد قالت: لسه مش مقررين، وأكيد نفسي أعمل جزء تاني من مسلسل أولاد عايد وهبقى مبسوطة جدًا لو شاركت فيه.

مسلسل أولاد عابد

مسلسل أولاد عابد كان يضم عدد كبير من نجوم الفن ومنهم: انتصار، عفاف مصطفى، محمد رضوان، لبنى عزت، صفاء الطوخي، فراس سعيد، محسن محي الدين، صبري فواز، ايتن عامر ، رياض الخولي، مى الغيطي، إيهاب فهمي، صفوة، سما إبراهيم، جميل برسوم، تاتيانا، سارة ناجي، أسامة عبد الله، لبنى عزت.