«لطمأنة الناس».. الرئيس السيسي: وضعنا سعر ضمان لـ4 محاصيل و ربطناه بالسعر العالمي

قال الرئيس عبد الفتاح السيسي، أن الحكومة اتفقت على إعلان أسعار ضمان لـ 4 محاصيل زراعية، معقبا: "احنا كحكومة اتفقنا على أننا نعمل إعلان أسعار ضمان لـ 4 سلع، و هي القمح والذرة والفول الصويا وعباد الشمس،  علشان أطمن الناس".

جاء ذلك في كلمته خلال افتتاح مجمع الأسمدة الأزوتية في العين السخنة.

 افتتاح مجمع الأسمدة الأزوتية

و أضاف الرئيس السيسي: الضمان يعني الحد الأدنى للدفع لو السعر العالمي أكثر هندفع أكثر.. يعني لو القمح تعاقدنا على رقم.. ده الحد الأدنى، طيب  لو زاد القمح هنشتري بالسعر وقت الحصاد.

وضع سعر ضمان لـ4 محاصيل 

 وتابع الرئيس السيسي: بقول للفلاحين ، الأرض اللى معاكم غالية جدا جدا استفيدوا منها بدل التعدي عليها، دول العالم كلها  عندها مشكلة في الإنتاج الزراعي والطلب بيزيد علشان النمو السكاني، علشان كدا عايزكم تخلوا بالكم.

القيمة المضافة للغاز الطبيعى أفضل من بيعه بطريقة مباشرة

و أشار الرئيس عبدالفتاح السيسى، إلى  أن القيمة المضافة للغاز الطبيعى أفضل من بيعه بطريقة مباشرة.. الغاز الطبيعى أفضل استخدام ليه مش إنك تبيعه، علشان يدخل فى الصناعة ويعمل قيمة مضافة،  واحنا لما خدنا قرار إنتاج الأسمدة الأزوتية خدنا 4 سنين علشان نفتتح المصانع دى بالاشتراك مع الشركات الأفضل فى العالم.

و تابع الرئيس السيسي: ضغطنا فى التوقيت حتى ننجز المهمة في أسرع وقت..  فيه ناس بتقول انتوا ليه مش مهتمين بالصناعة، علشان هناخد وقت وتكلفة كبيرة، تكلفة المجمع دا  800 مليون دولار  ودا رقم كبير علشان تعمل مصانع تحقق بيها حاجاتك، لازم ننتبه إحنا كان عندنا أولويات.

 قال الرئيس السيسي: 3.5 مليون فدان بنسابق الزمن علشان يدخلوا الخدمة في أسرع وقت.. الـ 3.5 مليون فدان، متسائلا: هل مصر خلال 40 سنة فاتت عملت برنامج لـ 3.5 مليون فدان؟.