كلمات أغنية السلام عليكم متاخدة من مطرب مسجون.. أبرز تصريحات حكيم في صاحبة السعادة

حل المطرب حكيم ضيف على برنامج “صاحبة السعادة”، الذي تقدمه الإعلامية إسعاد يونس على شاشة قناة dmc، والذي كشف خلاله عدد من التصريحات الجريئة، ويرصدها تحيا مصر في ذلك التقرير.

تصريحات حكيم في صاحبة السعادة

• أغنية السلامو عليكم المطرب متاخدة من مطرب محبوس والملحن بتاعها متوفى.
• لما طلع المطرب من السجن راضيناه بحقه نظير أغنيته، لأننا خدنا منه بس الطلعة بجملة بعد السلام يحلى الكلام.
• كنت هعمل دور محمد لطفي في فيلم حلاوة روح لكن اعتذرت وغنيت أغنية حلاوة روح عشان السبكي.
• أغنية كلام الناس لـ جورج وسوف كنت أول واحد سمعها في مصر وندمان إني مغنتهاش لأني بجبها جدا.
• أغنية "اللى باعنا خسر دلعنا" ما غنتهاش بسبب محمود الخيامي ملحن الأغنية.
• كنت عايزة أدرس مزيكا في الأزهر وقولت لأمي لكن اتفجأت انهم ودونى الأزهر.
• الناس اللي برا مصر في الغربة قالولي لما بنسمعك بنشم ريحة مصر.
• الأغنية الشعبية زي كرة القدم الشعب كله بيسمعها.

أخر أعمال حكيم الغنائية

ومن الجدير بالذكر، أن أخر أعمال الفنان حكيم أغنية "تزاولني" التي تم طرحها عبر قناته الرسمية على موقع الفيديوهات العالمي "يوتيوب" يوم 4 من شهر أغسطس الماضي، وقد حققت الأغنية منذ طرحها وحتى الآن أكثر من 3 مليون مشاهدة.

كلمات أغنية تزالوني لـ حكيم

وتعد أغنية تزالوني من كلمات إسلام كنكا، ألحان كريم الصباغ وإسلام كنكا، وتوزيع فلسطيني، وتقول كلماتها: “انسى تزاولنى صعب عليك تشغلنى انسى تلاعبنى .. هات اخرك وابقى قابلنى خرزة زرقا من عينهم ولا ولا حاجة فارقة من غيرهم انا من خيرى كنت بديلهم شوفوا بقى ناس يعيشوا مع عيبهم ع السكة كله جاى جاى شوفوا عزالى لما بتشيط الليلة العزف على الناى نارى حامية لما بتقيد لو يصفولى هياخدوا عيونى بس دي مش سكتهم لما عنيكم بتيجى في عيونى بتشوفنى احسن منكم وانا ع الأصول متربى بس معاكم تعبت وربى فوقتلكم مش هتعدى هنا منطقتي طب مين قدي انا علي وضع وضعي من صغرى وانا مش مرضى وانتوا مش دوغرى فينكم ياللي اخدتوا من حبي مشيتوا و سيبتوا قلبي متعبي انسى تزاولنى صعب عليك تشغلنى انسى تلاعبنى .. هات اخرك وابقى قابلنى انسى تزاولنى صعب عليك تشغلنى انسى تلاعبنى .. هات اخرك وابقى قابلنى تاعبهم .. شاغلهم .. كايدهم .. كان اللى فى جيبى مش ليا كانت طالبة معايا حنية”.