علا غانم تكشف تفاصيل مرضها لأول مرة: كان عندي ماية على الرئة وبنام وأنا قاعدة

تحدثت الفنانة علا غانم لأول مرة عن تفاصيل مرضها وازمتها الصحية التي مرت بها بعد ازمتها مع زوجها رجل الأعمال عبد العزيز حسن.

تحيا مصر يرصد في ذلك التقرير تفاصيل أزمة علا غانم الصحية

علا غانم: قعدت 3 أيام نايمة وكان الجزء الأمامي مفصول عن دماغي

وقالت علا غانم خلال ضيافتها مع الإعلامية ريهام سعيد: “كنت منهارة مع عمرو أديب وبعدها تعبت ودخلت نمت مصحتش وكل 10 ساعات يصحوني أشرب ماية وأنام وفضلت نايمة لـ يوم الجمعة صحوني بالعافية ولقوا حرارتي عالية 39 ونص وبعدها خدوني على أقرب مستشفى ودخلتهم لقتني عندي صداع فظيع ومش قادرة أشوف كويس ومش عارفة أشوف”.

وتابعت: طلع عندي كدمات في الضلوع اليمني، وكانوا شاكين في شبه ارتجاج في المخ، وكل الجزء الأمامي كأنه مفصول عن دماغي كلها التركيز كان ضعيف وزغلله في عنيا، ولقوا ان صوياعي مكسور ولازم يتحطله مسمار من جوة، وعالجوه واتشال المسمار بس مش هقدر أتني صباعي.

علا غانم تتعرض لأزمة صحية جديدة: بنام وأنا قاعدة وعروقي كلها كانت بتقفل

وكشفت علا غانم عن تعرضها لأزمة صحية أخرى منذ أيام قليلة، فقالت: روحت لدكتور عظام من 10 أيام وكان عندي ضيف تنفس وقالي لازم نعمل أشعة مقطعية على صدري وبعدها المستشفى كلمتني وقالولي في حاجات خطيرة وروحت لقيتهم بيقولولي عناية مركزة والمستشفى كلها مرتبكة، وطلع عندي ماية على الرئة بسبب شرخ في الضلوع ضغطت على الرئة لذلك مكنتش بقدر أنام على ضهري ونفسي كان قصير جدا والأوكسجين كانت نسبته قليلة جدا

وأضافت وهي في حالة انهيار وبكاء شديد: كنت لازم أنام قاعدة وكانولا كتير في ايدي وعروقي كلها كانت بتقفل.

سبب اختفاء علا غانم لفترة

واختتمت حديثها، مشيرة إلى سبب اختفائها تلك الفترة: مكنتش عايزة أطلع الا وأنا خافة وقوية وعارفة أنا بقول ايه وعايزة أقول ايه وهكون كويسة ويمكن عشان انا صعبان عليا علا شوية عشان لسة موجوعة لكن أما أخف خالص هكون كويسة وحقي لازم هيرجع.