علا غانم: دفعت 80 ألف دولار عشان اتطلق وبعد ما أخدهم نزل مصر منغير ما يطلقني

كشفت الفنانة علا غانم عن محاولات طلاقها مع زوجها الأخير، وذلك خلال لقائها اليوم ببرنامج صبايا الشمس مع المذيعة ريهام سعيد.

تحيا مصر يرصد تفاصيل تصريحات علا غانم في صبايا الشمس

حيث قالت علا غانم:أنا دفعت تمن طلاقي 3 مرات، في 2018 دفعت نص اللي معايا في أمريكا حوالي 80 ألف دولار، دفعتهمله عشان نتطلق في هدوء من غير ما حد يحس بينا خد الفلوس دي ونزل مصر وبخ، ودخل بيتي في مصر وقال للشغالين مدام علا لو جت محدش يفتحلها .

أزمة علا غانم وزوجها السابق

واضافت: عرفت من الشغالين بتوعي أن دا حصل، وأنا فضلت في أمريكا، وهو قاعد في بيتي في مصر مبرتع، والموضوع دا استمر حوالي 10 شهور.

وتابعت: بعد كدا رجع أمريكا لأنه سمع أن علا بتشتغل كويس جدا وبتعمل فلوس كويسة، وقالي سامحيني أنا بحب، وهساعدك في شغلك، وبعد 7 شهور من فتح الفرع التاني من مشروعيتعبت والدكتور طلب مني راحة على الأقل شهر في البيت، ومسك الشغل بدالي ووقعهولي.

السبب وراء سفر علا غانم لأمريكا

وفي الحلقة ذاتها، كشفت الفنانة علا غانم عن السبب وراء سفرها إلى أمريكا طوال الفترة الماضية، حيث قالت علا غانم: مشيت عشان كنت محتاجة أقعد جمب بناتي أكتر.. ابتدوا يكبروا وحسيت خلاص أنهم على وش جواز، فقررت أخد إجازة مفتوحة من التمثيل وحياتي بالكامل وأروح بعيد خالص لمجتمع جديد عشان أبدأ صفحة جديدة.

وتابعت: بناتي كانوا عايشين في أمريكا فكان لازم أروح أنا ودا كان وعد مني ليهم قبل ما نتحرك سنة 2017، كنت وعداهم أن السنة اللي جاية هي أخر سنة عشان بنتي هتتخرج في شهر خمسة.

واضافت: فقولت هاخد إجازة مفتوحة، أمتى هرجع مش عارفة بس كنت مبسوطة من الخطوة دي، ومحدش كان عارف أني مسافرة ومش راجعة، وإلى حد كبير كنت زهقانة من الشغل، بقالي أكتر من 20 سنة بمثل وحسيت أني محتاجة أحط بنزين.