علا غانم عن زيجتها الأخيرة: أكبر مني بـ 16 سنة.. واتجوزته عشان كنت محتاجة راجل جمبي

تحدثت الفنانة علا غانم عن تفاصيل زيجاتها الأخير من رجل الأعمال عبد العزيز، وذلك خلال لقائها اليوم ببرنامج صبايا الشمس مع المذيعة ريهام سعيد.

تحيا مصر يرصد تفاصيل تصريحات علا غانم في صبايا الشمس

حيث قالت علا غانم: أنا اتجوزت أخر 2005، أنا متجوزتش ولا ملياردير ولا مليونير ولا أي حاجة، أنا اتجوزت راجل عادي مصري أمريكي قابلته بالصدفة في أمريكا، كان عنده محطة بنزين وباعها، وكان عنده مطعم ونايت كلاب بردو كان بيعه.

تفاصيل الزيجة الثالثة لـ علا غانم

وتابعت: ولما قابلته قالي أنا بطلت كل حاجة وعايز يبقى مبيشتغلش ويرتاح، وسافرت أمريكا بصور قابلت واحد بعد شهر لقيته جاي ورايا مصر بيقولي أنا عايز اتجوزك وإلحاح وإصرار.

واضافت: اتجوزته عشان كنت محتاجة في المرحلة اللي أنا فيها راجل جمبي.. كان أكبر مني في السن بحوالي 16 سنة، حسيت أن هو هيكون إحتواء ليا سند هيساعدني في اللي جاي، بناتي بيكبروا، بمثل وقتي مش فاضي.

مدة زيجات علا غانم

وعن زيجاتها السابقة قالت علا: أنا انفصلت عن أبو البنات وقعدت 11 سنة سنجل وبعدين اتجوزت جوازة فاشلة قعدت ست شهور واتطلقت في ثانية، بعدين قابلت زوجي السابق.

واستكملت: هو طلب الجواز مني أول ما شوفته في أمريكا وأنا رفضت وقولتله أنا معرفكش ولا أنت تعرفني، وبعدين أنا مش بتجوز غير في بلدي.

تعليق أشرف زكي على أزمة علا غانم

وفي وقت سابق، حرص الفنان أشرف زكي، نقيب المهن التمثيلية، التعليق على أزمة الفنانة علا غانم الأخيرة مع زوجها، وذلك خلال لقاء له عبر برنامج "ET بالعربي".

حيث قال: "لم أتأخر في التدخل في أزمة علا غانم.. أنا كنت دايما على تواصل معاها، ومتابع من أول لحظة، مش شرط دا يكون معلن.. واحنا مبنتأخرش عن أي فنان في أي محنة أو مشكلة سواء نقابية أو لا، لكن لينا حدود في التدخل".

استغاثة علا غانم

كما خرجت الفنانة علا غانم لتستغيث لـ المركز القومي لحقوق المرآة، موضحة أنها تتعرض للقهر والعنف والتهديد من قبل بعض البطجية.

وكتبت علا غانم عبر حسابها بموقع تبادل الصور والفيديوهات انستجرام: استغاثة للسيده حرم رئيس الجمهورية و المركز القومي لحقوق المرآه ... الدكتوره مايا مرسي ... أنا الفنانه علا غانم أتعرض للعنف والقهر والطرد من منزلي واتعرض لمؤامراه وبلطجة وتهديد لي ولاسرتي بالكامل ... آغيثوني.