رحمة حسن تتعرض لمطاردات من معجب: ياريت حد يتصرف لأن كده كتير

كشفت الفنانة رحمة حسن عن تعرضها لمطاردات من معجب، وذلك عبر حسابها الرسمي بموقع تبادل الصور والفيديوهات الشهير انستجرام.

تحيا مصر يرصد لكم تفاصيل اخر منشورات رحمة حسن  

رحمة حسن: ياريت حد يتصرف 

ونشرت رحمة حسن سكرين شوت من رسائله الأخيرة عبر انستجرام، معلقة: الرسالة دي جاتلي النهارده من نفس الشخص.

وتابعت: واللي هو حاطه ده الاكونت الخاص بتاعي اللي عليه اصحابي البنات بس.. ياريت حد يتصرف لان كده كتير.

رحمة حسن وقصة مطاردات معجب 

وبعد تساؤلات عدد كبير من الجمهور حول ما يفعله لها هذا الشخص، كانت قد روت رحمة حسن تفاصيل التعدي عليها من قبله، اذ قالت: “الشخص ده من سنتين و هو بيبعت رسايل غريبة و بيعمل حاجات غريبة وبيضايق كل صحباتي البنات لو نزل صورة او حاجه معاهم و حتي الناس اللي بشتغل معاهم او اصحابي في العادي بيدخل يدور علي الاكونتات بتعتهم و يبعتلهم اغاني و حاجات غريبة و يسال عني انا في و بروح فين و كل اصحابي مش واحد بس عمل كده مع اكتر من حد ..متتبع الاماكن اللي بروح فيها و مش عارفة بيعرف منين انا بقالي سنتين علي الحال ده اخرها المكان اللي كنت مفروض اروحه بكرة علشان شغل …!”.

قصة رحمة حسن مع عضة الكلب

من ناحية أخرى، أثارت الفنانة رحمة حسن الجدل، بعدما خرجت لتكشف تعرضها للهجوم من قبل كلب قام بعضها في أماكن حساسة، وبدأ الجمهور يتفاعل مع تلك القصة متسائلين عن تطوراتها بشكل مستمر، فقالت" "مساء الخير.. امبارح الساعة ١١ بليل كنت نازله اجيب حاجه من السوبر ماركت جمب البيت ، وكنت ماشيه علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته”.

وأضافت: “طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطه بنابه في منطقه حساسة .. صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر، بس المشكلة ان من امبارح الجرح بينزف دم كتير ، وانا طبعا خايفة ومصدومة.. وتعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي”.