ميس حمدان تشيد بأغنية يا بنتي لـ مي سليم: أحلى أغنية في الدنيا

حرصت الفنانة ميس حمدان الإشادة بأغنية يا بنتي لشقيقتها مي سليم، وذلك من خلال منشور عبر حسابها الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل أحدث منشورات ميس حمدان عبر إنستجرام

حيث نشرت ميس مقطع فيديو من الأغنية، وعلقت عليه قائلة: أحلى أغنية في الدنيا بجد، كل الأمهات هتغنيها لبناتهم في أفراحهم، ربنا يفرح قلب كل أم في بنتها، وتشوفها عروسة ويسعد قلبها بيها، لأنه بيكون يوم جميل ومبيتنييش.

تفاصيل أغنية يا بنتي

ومن الجدير بالذكر أن أغنية يا بنتي تم طرحها على موقع الفيديوهات العالمي يوتيوب أمس الأحد، وهي من كلمات محمود عبدالله، الحان: محمدي، توزيع: احمد امين، كمان: حماده الموجي، جيتار: احمد حسين، مكساج وماستر: محمد جوده، منتج منفذ : رامز سليمان.

وتقول كلماتها: عدت الأيام يا بنتي و الليلادي الكل شافك وسط فرحه كبيره وانتي قاعده لابسه توب زفافك أيوه رايحه لدنيا تانيه لسه فيها حتبتدي بس قلبي حيبقي عندك مهما عني تبعدي كنت وانا بلعب معاكي بادعي و ف حضنك بَضُم إني اشوفك يوم عروسه زي حلم أي أُم.

وادي أحلامي ودُعايا شوفتهم بعينيا آهُم فهّميني كبرتي إمتي لأ وقلبك داب و حب ياللي لسه ما جاش ف عمري أغلي منك أو أحَب ربنا يهنيكي دايماً باللي تتمنيه يا رب نمسك الخشب النهارده هوه فيه حد ف جمالك لأ وبكره الفرحه تكمل وبإيديا أشيل عيالك بالسلامه وبادعي ليكي طول حياتك تكسبي عايزه اوصي كمان حبيبك شيلها ف عينيك والنبي.

حياة ميس حمدان العاطفية

وفي وقت سابق، كشفت الفنانة ميس حمدان بعض التفاصيل عن حياتها العاطفية، وذلك خلال حوارها ببرنامج “واحد من الناس”، مع الإعلامي عمرو الليثي.

حيث قالت ميس: “أنا مش مضربة، هو نصيب بحت، أنا حبيبة ورومانسية جدًا، ولازم أحب أوي، ومحبتش كتير بس كنت محظوظة أننا عيشت قصص حب لما بتفرج على روميو وجوليت بقول ايه العك دا”.

وتابعت: “أخر قصة حب ليا كانت من 13 سنة، وانتهت بالفشل عشان أنا كنت صغيرة وهو كان صغير، وحصل خلافات، وشعور أني أبقى أم موجود، ومش بيجيلي عرسان، ولازم اللي اتجوزه أحبه ويبقى فيه هات وخد، ولو جالي عريس صالونات ممكن أسمعه وأشوفه”.