البلوجر سارة محمد: دايما بحب اعتمد على نفسي.. وكان نفسي اشتغل ميكاب ارتيست

كشفت البلوجر سارة محمد عن تفاصيل أحلامها وطموحتها للمستقبل، وذلك خلال لقائها اليوم ببرنامج صبايا الشمس مع الإعلامية ريهام سعيد.

تحيا مصر يرصد تفاصيل تصريحات سارة محمد مع ريهام سعيد

أحلام سارة محمد

حيث قالت سارة: أنا أخدت كورسات ميكاب، لأني كنت بحب أعمل ميكاب.. وعايزة يكون عندي بيوتي سنتر، أنا معتمدة على نفسي من أول ما خلصت دبلوم.

وتابعت: أنا اشتغلت في شركة وبعدين بدأت اشتغل موديل، واخدت كورسات ميكاب وكنت بحاول أطور من نفسي، ودايما كنت بحب أعتمد على نفسي، وبجيب لنفسي كل اللي أنا عايزاه.

قصة البلوجر سارة مع فقدان البصر

وكانت قد كشفت البلوجر سارة تفاصيل الحادث التي تعرضت له أدى إلى فقدان بصرها، فقالت: “ كنت مع خطيبي وقت وقوع الحادث وكان اليوم يسير بشكل طبيعي، وروحت معاه محطة الرمل ووقفنا في كارفور شوية احنا ساكنين في طريق القاهرة إسكندرية الصحراوي ناحية زاوية عبد القادر، واحنا ماشيين كان في عربية حاولت إيقافنا وزنقت علينا.

وتابعت: "وأنا بصيت كده عليهم وقلت لخطيبي أجري أوعى تقف ليهم، وبعدين واحنا على الطريق الصحراوي اقتربت منا سيارة، ونظرت إليهم ووجدت بعض المجهولين حاملين الأسلحة، ثم أصيبت في رأسي وقولتله بعدها أوعى تقف، وحسيت بصفارة في ودني ومن بعدها محستش بحاجة”.

تعليق تامر حسني على مقطع فيديو سارة محمد

وفي وقت سابق، نشر الفنان تامر حسني على حسابه الرسمي على موقع تبادل الصور والفيديوهات انستجرام مقطع فيديو للبلوجر سارة محمد والتي تعرضت في الفترة الماضية لحادث وشغلت حديث السوشيال ميديا.

وعلق الفنان تامر حسني على مقطع فيديو للبلوجر سارة محمد والتي حلت من عدة أسابيع ضيفة على برنامج الإعلامية ريهام سعيد وقال:"معرفش الكل يعرف قصة ساره او لاء بس سهل اوي للّي ميعرفش انه يعرف …. بحق الليله الفضيله دي يا ساره ليلة النصف من شعبان ربنا يكرمك و ميعديش بكرا الا و انتي سامعه خبر جميل يطمنك ان عينك هترجع تاني ان شاء الله ادعوا معايا يا جماعه انا متفائل خير ليها اوي و كل الشكر لموقف ريهام سعيد معاها من اول المحنه اللي بعون الله ساره بقوتها و ايمانها بربنا هتخليها ( منحه ).