البلوجر سارة محمد: أنا راضية باللي ربنا قسمهولي.. ومكنتش متخيلة أني هلاقي ناس كتير كدا بتحبني

تحدثت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، وذلك خلال لقاء لها ببرنامج صبايا الشمس مع المذيعة ريهام سعيد.

تحيا مصر يرصد تفاصيل تصريحات البلوجر سارة محمد مع ريهام سعيد

حيث قالت سارة: مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة أني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة أني هلاقي ناس كتير كدا بتحبني ومهتمة بمرضي.

البلوجر سارة محمد تتحدث عن حياتها بعد الحادثة

وتابعت سارة: عايزة أقول أن عمرو الوحيد هو اللي عندي 24 ساعة، مش بيسبني، عمرو الوحيد هو اللي تثقه في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي.

واضافت: أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله أن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا.

سارة محمد وفقد بصرها

وكان قد أعلن صديق سارة محمد عبر صفحتها الرسمية بموقع تبادل الصور والفيديوهات انستجرام عبر خاصية ستوري، تعرضها لفقدان البصر بشكل كامل، فكتب: "سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه".

ووجه لها رسالة مؤثرة قال فيها: “اللهم إنا لا نسألك رد القضاء ولكن نسألك اللطف فيه ربنا اكيد ليه حكمة كبيرة محدش عارفها لكن اللي اقدر اقوله ان ربنا قادر علي كل شيء محدش عارف الخير ايه در ماشاءالله فعل ربنا يصبرك يا سارة، عارف إن الابتلاء دا تقيل عليكي بس وعد مني ليكي قدام ربنا هفضل طول عمري الاخ و الصاحب و السند ليكي اي وقت هتلاقيني موجود عشانك أهلك موجودين و كلنا موجودين علشانك، وهنحاول نعوضك، ونعمل المستحيل وهندور علي اي امل من جديد و مين عارف اللي مقدرش عليه البني ادمين قادر عليه رب العباد ربنا يصبرك يارب يا سارة”.