بعد إثارتها للجدل بسبب سجدة الفرح.. زوجة حسن شاكوش: كنت واخدة عهد على نفسي

حرصت ريم طارق زوجة مطرب المهرجانات حسن شاكوش، الرد على كل الانتقادات التي وجهت لها بعد سجودها في حفل الزفاف تعبيرًا عن فرحتها.

تحيا مصر يرصد تفاصيل رد زوجة حسن شاكوش على الانتقادات

رد زوجة حسن شاكوش على منتقديها

حيث قالت ريم خلال برنامج ET بالعربي: دي حاجة بقى بعيدًا عن السوشيال ميديا.. مفيش حد هيضحك على ربنا، أنا كنت واخدة عهد على نفسي أني لما أخل في الفيرست لوك لازم أسجد وأشكر ربنا أن هو عوضني، وحسن أحسن واحد في الدنيا في عيوني.

وتابعت: احنا جران من واحنا أطفال، بعد كدا مشيت من المنطقة وهو كمان مشي، يمكن هو مشوفتهوش من 10 سنين، وسأل عليا وقال أنا عايز اتجوزها.

رضوى الشربيني تعلق على سجود زوجة حسن شاكوش في الفرح

وفي وقت سابق، حرصت المذيعة رضوى الشربيني التعليق على سجود زوجة حسن شاكوش في حفل زفافهما، الذي أقيم أمس بأحد الفنادق الكبرى في القاهرة، بحضور عدد كبير من نجوم ونجمات الوسط الفني.

حيث قالت رضوى خلال حلقتها اليوم ببرنامج هي وبس: حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده.

وتابعت الشربيني: ازاي واحدة هانم، ست، ليدي تنزل على ركبها ومن ركبها على الأرض وقدام الناس وبفستان الفرح !! ميصحش كده وبنبهكوا عشان الموضوع ميبقاش تريند ونلاقي كل واحدة نزله تسجد للمتجوزاه.. أنا أسجد لربنا على جوزي في أوضة نومي مش وسط الناس كلها.

مفيدة شيحة تنتقد تصرفات زوجة حسن شاكوش

وسبق وأن انتقدت الإعلامية مفيدة شيحة، ريم طارق، عروس مؤدي المهرجانات حسن شاكوش، بعد سجودها في حفل زفافها، قائلة :" دي ماصدقت أنها اتجوزت".

وأضافت شيحة، خلال حلقة اليوم من برنامج "الستات" المذاع عبر قناة "النهار وان"، مساء اليوم الأحد، قائلة :" أقول لعروسة حسن شاكوش أنتي قللتي من نفسك قدام اهلك، و قدام جوزك، واوعى تصدقي اي كلام غير ده".