الرابر افرو: بعاني مع الادمان بقالي سنة ونص.. وسامحوني عشان اسامح نفسي

كشف مغني الراب أفرو عن مشاكله مع الادمان لأول مرة، وذلك عبر حسابه الرسمي بموقع تبادل الصور والفيديوهات الشهير انستجرام.

تحيا مصر يرصد لكم تفاصيل اخر منشورات افرو 

افرو: بقالي سنة ونص بعاني مع الادمان

ونشر افرو ستوري عبر انستجرام، كتب فيها: في اعتراف هعترف للناس عليه عشان ده واجب عليا، ياريت اللي بيقرأ يفهم قد ايه اللي هعترف بيه صعب جدًا اني اعمله، انا افرواو عمرو سليمان للاسف بقالي سنة ونص بعاني من الادمان، وخسرت تقريبًا كل حاجة.

وتابع: بعد ما صرفت فلوسي كلها على المخدر ده بدأت اخد فلوس من صحابي على اساس اني هرجعهم بليل بمصلحة وكده، بس طبعًا مكنتش برجع حاجة.. لما استغليت كل صحابي وخلصوا كنت لسه بردو بموت من الالم وان لازم اتصرف في فلوس عشان اجيب المخدر ده.

افرو: كلمت الفانز ان معايا مصلحة هيستفادو منها.. وخدت منهم الفلوس مرجعتش حاجة 

واستطرد افرو: مؤخرًا بدأت اكلم ناس من الفانز بتوعي اقولهم ان في مصلحة معايا هيستفادو منها مطلوب منهم بس 300 جنيه وبعد ساعة هبعتلهم انا 1500 جنيه وطبعًا مكنتش برجع حاجة.. انا جاي النهارده اعترف على نفسي اني مدمن بقالي سنة ونص وكدبت وخدت فلوس من ناس كتير، بس والله ده كان غصب عني لما كان الوجع بيتملك مني كنت بلاقي نفسي بعمل اي شئ واكدب بأي طريقة عشان اجيب فلوس واتعاطى.

افرو: هدخل المصحة وابدأ رحلة العلاج

وأضاف افرو: ان شاء الله هدخل مصحة بكره وتبدأ رحلة العلاج كل اللي انا طالبه من الناس اللي انا اذيتها انهم يسامحوني ويعفو عني وانا والله نعوضهم اول ما اتعالج، وانا والله شخص مش وحش وعمري في حياتي ما كنت هعمل كده. 

واستكمل افرو كلامه: بس للاسف ادمنت ودمرت حياتي، ده اعتراف على نفسي وبجد مش سهل عليا اني اقول الكلام ده بس انا معترف بغلطي ومعترف اني عليا ضرايب كتير ولازم احاسب عليها. 

افرو: هعوض كل الناس.. ارجو منكم السماح والدعاء

واختتم: اتمنى من الناس اللي انا اذيتها انها تعفو عني لحد ماخلص رحلة علاجي اللي هتبدأ من بكره واقسم بالله هعوض الناس دي كلها بس سامحوني عشان اقدر اسامح نفسي، انا عمرو سليمان مدمن ومعترف بكل اخطائي ارجو منكم السماح والدعاء.