حمو بيكا عن تامر حسني: نجمي المفضل.. وشخصية مثالية لأي فنان

حرص مطرب المهرجانات حمو بيكا على توجيه رسالة خاصة للنجم تامر حسني، بعد لقائها في حفل زفاف حسن شاكوش، وذلك خلال منشور عبر حسابه الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات حمو بيكا عبر فيسبوك

رسالة حمو بيكا لـ تامر حسني

حيث نشر بيكا صورة له رفقة تامر، وعلق عليها قائلًا: صورة مع صديقي وحبيبي ونجمي المفضل تامر حسني.. تامر حسني بالنسبالي مش مجرد مغني عادي، تامر ده شخصية ملهمة لأي شاب في جيلي، تامر قدر يحقق ويكسر أرقام كتير أوي في الفترة اللي فاتت.

وتابع: لما سموه نجم الجيل مكنش صدفة لأنه هو فعلا بجد نجم الجيل، ونجمي المفضل في كل أعماله، سواء أغاني، ألحان، تمثيل، ألخ.. تامر حسني الشخصية المثالية لأي فنان وشاب في جيلنا في الوطن العربي كله.

رد تامر حسني على حمو بيكا

ومن جانبه، رد تامر حسني على منشور حمو بيكا قائلًا: حبيبي يا بيكا يا غالي يابو قلب طيب مش بشكرك على كلامك قد ما بشكرك على احساسك اللي واصلني في كل حرف، ربنا يكرمك يا حموووو و تحقق كل اللي بتحلم بيه و تفرّح كل اهل بيتك و سلامي لكل متابعينك العسل.

رسالة تامر حسني لجمهوره عن الرضا

وفي وقت سابق، حرص النجم تامر حسني على توجيه رسالة خاصة إلى جمهوره، عن الرضا بالابتلاء، وذلك من خلال منشور عبر حسابه الشخصي على موقع التواصل الاجتماعي فيسبوك.

حيث كتب تامر: "لما بتبقى في شدة وحزن وضيق وابتلاء لازم تعرف أن في الوقت ده ربنا اختار لك الصالح أوي أوي لأنه الوحيد اللي بيعلم الغيب.. وأنت تفضل عايز حاجة تانية والحاجة دي مليانة شر ليك بس أنت مش عارف، أحياناً بتعرف بعدها وبتفهم أن اللي حصل ده كان أصح حاجة".

وتابع: "وأحياناً مبتعرفش بس لما متعرفش اتأكد أن ربنا شال من عليك شيء صعب أوي فعلاً مكنتش هتتحمله.. ثق في ترتيب واختيار ربنا حتى لو مفهمتوش  و ياسلام بقى لو في المحنة ترضى وتقول الحمدلله من قلبك.. هتلاقي كرم أكبر بكتير من اللي أنت مستنيه، والله والله مفيش أحن علينا من ربنا".