خيري رمضان للاعبي الأهلي: هيجيلكم نوم إزاي النهاردة

عقب الإعلامي خيري رمضان، على هزيمة الأهلي بخماسية أمام فريق صن داونز في دوري المجموعات بدوي أبطال أفريقيا  قائلا: "يوم حزين".

تحيا مصر

وأضاف رمضان، خلال حلقة اليوم من  برنامج "حديث القاهرة"، المذاع على قناة القاهرة والناس، :" الأهلي خسر بخماسية ولأول مرة فريق يحرز فيه عشر أهداف في مباراتين، والشناوي أول حارس يدخل فيه عشر أهداف من فريقين".

الجيل هو الجيل الأسوأ في الأهلي

وتابع:" أداء الأهلي وحش وفقير للغاية وموقفه شبه منتهي في هذه النسخة من دوري ابطال افريقيا، معقبا: "الأهلي وضع مصيره بأقدام الاخرين وبقاله فترة وحش قوي وهذا الجيل هو الأسوأ في تاريخ الأهلي".

وواصل: "تفسيري أن الأهلي  بـيشتري لاعبين ومفيش من أبناء الأهلي حد، وأداء اللاعبين فيه حاجة غلط، والمدرب مارسيل كولر عنده حاجات كتير غلط، وهو بارد وواقف على الخط خلال المباراة ويبدو أن اللاعبين مش بيخافوا منه، واللاعبين دول باظوا وفي كتير خايبين في الكرة".

تافهة كروية

وأكمل:" الفريق يحتاج إعادة نظر وعلى محمود الخطيب أن يراجع أوراقه والمسئولين الذين يضعهم، معقبا: "اللاعبين تعبانين خلال الربع وخمس سنوات الماضية  والجيل ده مشفش جماهير وهو جيل عديم الإحساس ومش حاسس بالجمهور والناس، والاهلي مستواه فقير وعار نخسر في مباراتين من فريق عشرة اثنين، مستكملا :"اللاعبين هيجيلهم نوم ازاي".

وأردف:" الأهلي كان سيئ جدا وموقفه شبه منتهي ويجب أن يهزم القطن الكاميروني في الكاميرون ويفوز على الهلال في القاهرة بـ أكثر من هدفين لكي يصعد من دور المجموعات".

واختتم :"الجيل هو الجيل الأسوأ في الأهلي وأداء اللاعبين في حاجه غلط والمدرب ليس لديه طاقة لكي يصدرها للاعبين مدرب بارد على الخط اللعيبة بتاخد ملايين رغم انهم لاعيبه معقبا:"تافهة كروية، الأهلي مش عارف يشتري مهاجم منذ أيام وليد أزارو، لجنة التخطيط بتعمل ايه وأين العين الخبيرة، أين المهندس عدلي القيعي ليه مش عارفين نجيب لاعيبه، اللاعيبه بتدور على أي خناقة وبيضيعوا وقت بالخناقات ".