خاص| سيد جبر: النقابة لازم تعمل لجنة لحصر الفنانين اللي مش بيشتغلوا ومساعدتهم

تحدث الفنان سيد جبر عن أعمال المنصات الرقمية واهميتها، كما تحدث عن استغاثات الفنانين على السوشيال ميديا بدل من اللجوء لنقابة المهن التمثيلية.

تحيا مصر يرصد لكم تصريحات سيد جبر

وقال سيد جبر في تصريحات لموقع تحيا مصر: أعمال المنصات كويسة وبتفيد ناس كتير وتقدم  نجوم وبقى عليها مشاهدة كبيرة الفترة الأخيرة.

سيد جبر: أعمال المنصات بقت تتشاف أكتر الفترة الأخيرة

وتابع: دي حاجة مفيدة من الموبايل وأعمال المنصات جيدة وعلى الأقل في ناس بقت تتشاف من خلال المنصات الرقمية.

سيد جبر: النقابة لازم تعمل لجنة لحصر الفنانين اللي مش بيشتغلوا

كما تحدث سيد جبر عن استغاثات الفنانين على السوشيال ميديا وقال: المفروض النقابة تعمل لجنة تحصر الناس اللي مش بتشتغل كتير وتحاول بكافة الطرق  تقدملهم يد المساعدة أن هي تشتغل.

وأضاف: ودي لجنة المفروض تبقى موجودة في النقابة ويتعرف ايه ظروفهم ويتقدملهم المساعدة لأنه فنان في الأول وفي الآخر.

سيد جبر: أي حد جاي من الشراع بيمثل بسبب شركات الكاستينج

واستكمل: ودلوقتي بقى في الكاستيج وعرض  وطلب واي حد جاي من الشارع بيكون عايز يمثل بيمثل  واي حد راح عمل ورشة ودفع 15 الف بيروح يشتغل.

واستطرد سيد جبر: شركات الإنتاج بقت تستسهل من خلال الكاستنج أما لو اتعمل كاستنج من  خلال النقابة الناس كتير  هتشتغل واشغل بتوع النقابة وبعدين اشغل 10% من الكاستنج.

سيد جبر: الناس عندها فراغ وبتضيعه في التريند

كما تحدث سيد جبر عن ظاهرة التريند وقال: بعتبر التريند فراغ  من البشر زمان  كان في واحد قال أن الموبايل ده  هيبقى  الكارثة اللي هتحدث على مصر وهو فعلًا كارثة احنا مش عارفين نستغل الموبايل صح، وممكن نستغل الموبايل في حاجات صح ومفيدة بس احنا بنستخدمه غلط.

وأضاف: أنا شايف أن التريند هيافة وفضى والناس بيبقى عندها فراغ وبتضيعه في التريند على السوشيال ميديا وعلى الموبايل، والناس ماسكة الموبايل 24 ساعة والست  بتبقى ماشية في الشارع وحاطة الموبايل على ودنها  وبتحكي قصة حياتها هي وهو بتضيع وقتها في الهوا.