خاص| سيد جبر: التريند هيافه وفراغ من البشر والحياة الزوجية مشاركة مش بلطجة

تخدث الفنان سيد جبر عن ظاهرة التريند المنتشرة خلال الفترة الماضية، موضحًا أنه يعتبر الموبايل كارثة في الزمن الحالي ويساهم في إضاعة الوقت.

تحيا مصر يرصد لكم تصريحات سيد جبر

وقال سيد جبر في تصريحات لموقع تحيا مصر: بعتبر التريند فراغ  من البشر زمان  كان في واحد قال أن الموبايل ده  هيبقى  الكارثة اللي هتحدث على مصر وهو فعلًا كارثة احنا مش عارفين نستغل الموبايل صح.

وتابع سيد جبر: ممكن نتغل الموبايل في حاجات صح ومفيدة بس احنا بنستخدمه غلط.

سيد جبر: الناس عندها فراغ وبتضيعه في التريند

وأضاف: أنا شايف أن التريند هيافة وفضى والناس بيبقى عندها فراغ وبتضيعه في التريند على السوشيال ميديا وعلى الموبايل.

واستكمل سيد جبر حديثه: الناس ماسكة الموبايل 24 ساعة والست  بتبقى ماشية في الشارع وحاطة الموبايل على ودنها  وبتحكي قصة حياتها هي وهو بتضيع وقتها في الهوا.

سيد جبر: الحياة الزوجية مشاركة بين الرجل والمرأة 

كما تطرق سيد جبر للحديث عن تصريحات ياسمين عز بشأن المرأة والرجل وقال: أنا  مش بنساق تحت أي آراء  ومعنديش تعليق، بس أنا شايف أن الحياة الزوجية مشاركة بين الرجل والمرأة.

وتابع سيد جبر: أنا شايف أن ولا  الست تتحكم في الراجل ولا الراجل يتحكم في الست احنا مش في عصر البلطجة واهم حاجه يبنوا بيتهم صح عشان يقدموا للمجتمع اسرة جيدة وأولاد اسوياء.

سيد جبر يكشف عن أعماله الفترة المقبلة

كما كشف الفنان سيد جبر عن أعماله خلال الفترة المقبلة وأوضح أنه يستعد لتقديم مسرحية زقاق المدق، كاشفًا بأنه سيتم عرضه بعد عيد الفطر المقبل.

مسرحية "زقاق المدق" الموسم الثالث هي  مأخوذة عن رواية الأديب العالمى نجيب محفوظ، وهى من بطولة، دنيا عبد العزيز، محسن محيى الدين، بثينة رشوان، كريم الحسينى، ضياء عبد الخالق، بهاء ثروت، عبد الله سعد، أحمد صادق، حسان العربى، سيد عبد الرحمن، مروة نصير، مراد فكرى، عصام مصطفى، أحمد شومان، عبد الرحمن عزت، إبراهيم غنام، هانى عبد الهادى، صابر رامى، رؤية درامية وأشعار محمد الصواف، إخراج واستعراضات عادل عبده.