ياسمين عز لمنتقدي صاحبة تريند “ادعولي اتجوز نادر”: ليه بتكرهوا الناس في حياتها!

أعربت الإعلامية ياسمين عز عن استيائها من انتقادات صاحبة تريند “ادعولي اتجوز نادر”، وذلك بعد قيامها بتوزيع كراتين مياه على الجوامع للدعاء لها بالزواج من حبيبها.

تحيا مصر يرصد في ذلك التقرير تعليق ياسمين عز على تريند ادعولي اتجوز نادر

وعلقت ياسمين عز خلال برنامجها كلام الناس المذاع على قناة mbc مصر على هذا الأمر، فقالت: “البنت بتقول ادعولي اتجوز مش أصاحب ولقت راجل اسمه على مسمى نادر وهو أكيد نادر، ليه نهاجمها وننتقدها وليه بتجيبوا سيرتي في الموضوع”.

ياسمين عز: الفراعين بيكتبوا كلام حلو ودعوات والستات بتكره البنت في حياتها

وتابعت ياسمين عز حديثها: “الفراعين كلهم كتبين كلام ودعوات جميلة متتخيرش عن أسلوب الفرعون الكبير، لكن الستات والبنات نازلين انتقادات ازاي بقى عندنا مقدرة نكره الناس في حياتها بالشكل ده، البنات الي قاعدة بتكسر مجاديف البنت دي على السوشيال ميديا هما نفسه اللي بينزلوا في صلاة التراويح ويدعوا انهم يتجوزوا محمد وأحمد”

وأضافت: “متعمليش نفسك البنت الجامدة على السوشيال ميديا وتكرهي البنت في نادر”.

نصائح ياسمين عز ونصائحها لـ السيدات

ووجهت ياسمين عز نصائح للسيدات قالت فيها: وانتي قايمة من جنب جوزك لازم  تعامليه معاملة البخور وخشب الصندل متدلوش ضهرك وتمشي طبيعي ده غلط حتى لو نايم ومغمض عنيه روحه شيفاكي، قومي من جنبه وارجعي بضهرك زي العربية لحد ما توصلي للباب اخرجي منه وامشي طبيعي.

وعن أداب الحديث مع الزوج، قالت ياسمين عز: مينفعش تكلمي جوزك في التليفون وانتي حافية لازم تكمليه وحاجة في رجلك عشان لو كلمتي جوزك وانتي حافية الكلام هيطلع من رجلك لكن لو وانتي لابسة حاجة في رجلك الكلام هيطلع من قلبك.

وأضافت: متكلميش جوزك بالاسدال البسي حاجة مشخشخة لأنه بيدي طاقة انوثة ولازم تشمري حتة من الكم.

أما عن المخطوبين فقالت لهم: كل يوم قبل ما تكلمي خطيبك تلبسي لبس خروج وحلتك ودبلتك وجذمتك أم كعب لأنه أهم من صحبتك الي بتلبسلها أحلى لبس ولازم حاجة تخشخش في ايدك أنوثة عالية وتشمري كمك.