محمد رياض: مسلسل لن أعيش في جلباب أبي يستحق الدراسة وأيقونة في الدراما المصرية

تحدث الفنان محمد رياض عن نجاح مسلسل لن أعيش في جلباب أبي، والذي حقق نجاحًا كبيرًا ويعرض إلى الآن، موضحًا أن المسلسل أيقونة في الدراما المصرية

تحيا مصر يرصد لكم تصريحات محمد رياض

وقال محمد رياض: مسلسل لن أعيش في جلباب أبي  يستحق الدراسة وكنا عارفين واحنا بنصور أنه عمل كبير ومتوفرله كل أسباب النجاح  وأكيد هينجح بس بالشكل ده مكنش متوقع انه يستمر 25 سنة بنفس النجاح والتأثير.

محمد رياض: لن أعيش في جلباب أبي أيقونة في الدراما المصرية

وأضاف: من أسبوع كنت ف النادي وجالي طفل عنده 4 سنين قالي عبد الوهاب، وأجيال كتير أوي بتتفرج على المسلسل ومازال لن أعيش في جلباب أبي هو ايقونة الدراما المصرية.

تصريحات محمد رياض

وكن قد كشفت الفنان محمد رياض عن كواليس زواجه من رانيا محمود ياسين، وقال: خطبت رانيا محمود ياسين في 1996  والوضع كان مربك جدا عشان استاذ محمود ياسين من أكتر الفنانين اللي ليهم هيبة ربانية وكاريزما كبيرة بصوته وكل حاجه وكان حمل أكتر عليا، في الأول مكنتش عارف اتكلم وكان واخد فكرة عن الموضوع بس كنت متوتر، وهو أرق إنسان وكان عارف امكانياتي المادية وقدر كل شئ ومحملنيش اي شي ومفرضش عليا حاجة.

محمد رياض يكشف عن شرط محمود ياسين لزواج ابنته

وكشف محمد رياض عن شرط محمود ياسين لزواجه من ابنته وقال: هو كان نفسه اقعد معاهم في نفس الفيلا بس انا رفضت وده كان طلبه الوحيد وكان مأكد عليه، و مكنش مركز في مهر ولا قايمة ولا شبكة ولا أي شئ وشاف اني اقدر احافظ على بنته واتحمل مسئولية والجواز مسئولية كبيرة ، واتمنى كل اللي عنده بنت يسهل لكل واحد يجي يتقدم لبنته زي ما محمود ياسين عمل معايا.

محمد رياض يكشف سبب رفده من المدرسة

وكشف رياض عن سبب رفده من المدرسة أثناء عمله كمدرس وقال: كنت لسه متخرج وبشتغل كيميائي ومعمل تحاليل وبدرس في المعهد وفي المدرسة وكنت بروح تلت أيام في الأسبوع وكانت مدرسة بنات وكنت شعري أصفر وحلو ولقيت الطابور في همس.

وتابع: وكان عندي 22 سنة ودخلت الفصل لقيت في 60 بنت في الفصل والكيميا أحلوت في عينهم وقولتهم انا بستضيفكوا، ومدير المدرسة قالي متحضرش الطابور واشتغلت شوية وقالي المديرعايزك انت انسان كويس ومدرس هايل بس مش هتقدر تكمل معايا قولتله ليه قالي لا أنا عندي بنات صغيرين ومينفعش احط الزيت جنب النار ورفدوني للمدرسة وأنا مكنتش عملت اي حاجة.