محمد رياض: محمود ياسين مطلبش مني شبكة ولا مهر واشتغلت مدرس كيميا واترفدت

كشفت الفنان محمد رياض عن كواليس زواجه من رانيا محمود ياسين، كما تحدث عن أسرار في حياته، وكشف عن سبب رفده من إحدى المدارس أثناء عمله كمدرس.

تحيا مصر يرصد لكم تصريحات محمد رياض

وقال محمد رياض خلال استضافته في برنامج معكم التي تقدمه الإعلامية منى الشاذلي والذي يعرض عبر قناة سي بي سي: خطبت رانيا محمود ياسين في 1996  والوضع كان مربك جدا عشان استاذ محمود ياسين من أكتر الفنانين اللي ليهم هيبة ربانية وكاريزما كبيرة بصوته وكل حاجه وكان حمل أكتر عليا.

تصريحات محمد رياض

وتابع: في الأول مكنتش عارف اتكلم وكان واخد فكرة عن الموضوع بس كنت متوتر، وهو أرق إنسان وكان عارف امكانياتي المادية وقدر كل شئ ومحملنيش اي شي ومفرضش عليا حاجة.

محمد رياض يكشف عن شرط محمود ياسين لزواج ابنته

وكشف محمد رياض عن شرط محمود ياسين لزواجه من ابنته وقال: هو كان نفسه اقعد معاهم في نفس الفيلا بس انا رفضت وده كان طلبه الوحيد وكان مأكد عليه.

وأضاف: مكنش مركز في مهر ولا قايمة ولا شبكة ولا أي شئ وشاف اني اقدر احافظ على بنته واتحمل مسئولية والجواز مسئولية كبيرة ، واتمنى كل اللي عنده بنت يسهل لكل واحد يجي يتقدم لبنته زي ما محمود ياسين عمل معايا.

محمد رياض: اخترعت حاجات في الكيميا باسمي

وكشف محمد رياض: أنا اخترعت حاجات باسمي في الكيميا وقبل ما اسيب الشركة اللي بشتغل فيها عملت حاجات باسمي ومركبات  وكنت بحب شغلي جدا وكنت شغال في الأبحاث.

وكشف رياض عن سبب رفده من المدرسة أثناء عنله كمدرس وقال: كنت لسه متخرج وبشتغل كيميائي ومعمل تحاليل وبدرس في المعهد وفي المدرسة وكنت بروح تلت أيام في الأسبوع وكانت مدرسة بنات وكنت شعري أصفر وحلو ولقيت الطابور في همس، وكان عندي 22 سنة ودخلت الفصل لقيت في 60 بنت في الفصل والكيميا أحلوت في عينهم وقولتهم انا بستضيفكوا.

وتابع: مدير المدرسة قالي متحضرش الطابور واشتغلت شوية وقالي المديرعايزك انت انسان كويس ومدرس هايل بس مش هتقدر تكمل معايا قولتله ليه قالي لا أنا عندي بنات صغيرين ومينفعش احط الزيت جنب النار ورفدوني للمدرسة وأنا مكنتش عملت اي حاجة.