بشرى تتألق بالزي النوبي من حفل ختام مهرجان أسوان الدولي

خطفت الفنانة المصرية بشرى الأنظار من حفل ختام مهرجان أسوان الدولي، حيث ظهرت بالزي النوبي.

تحيا مصر يرصد إطلالة بشرى من حفل ختام مهرجان أسوان الدولي.

تعليق بشرى على تصريحات نبيلة عبيد

علقت الفنانة بشرى على تصريحات الفنانة نبيلة عبيد، خلال ندوتها بمهرجان أسوان السينمائي الدولي لأفلام المرأة، بشأن دور المنتجين في مشوارها الفني.

وقالت بشرى، خلال الندوة: أنا دمعت من حزني على حالنا، شوفت جمال ورقي نبيلة عبيد وهي بتحكي عن جمال المشوار، وإن إزاي في ناس عندهم وعي ومثقفين، مش في ناس بيحاولوا يهدوا الفنان ويضربوه في ضهره زي ما بنشوف.

وأضافت بشري المنتج زمان كان إنتاجه من جيبه، دلوقتي إحنا عبيد للمنصات، هنخيط العمل ونظبطه على مقاس اللي هيشتريه، زمان نبيلة عبيد اتعاملت مع مخرج أو منتج عايز ينتج لـ نبيلة، دلوقتي بقا مولد وصاحبه غايب.

تصريحات نبيلة عبيد

ومن جانبها، قالت نبيلة عبيد: سعيدة بالخطوات اللي أنا عملتها، كنت دايمًا بسمع للي قدامي هيقول إيه، وعمري ما كنت باخد القرار مني لنفسي أنا بتعلم، واشتغلت مع حلمي رفلة واتعاقدنا واتفقنا على فيلم وسقطت في بحر العسل، وإحسان عبد القدوس كلمني قالي اقرأي فيلم ولا يزال التحقيق مستمرًا، قُلت له أنا حابه اشتري الرواية دي.

وأضافت نبيلة عبيد: ومن هنا ابتديت بقى رحلتي مع إحسان عبد القدوس، هو اللي كان يرشحني لروايات كتير، وكنت بسمع الكلام عشان أتعلم وقرأت أيام في الحلال، والراقصة والسياسي.. والحمد لله كلها أعمال حققت نجاحًا كبيرًا.

الجدير بالذكر أن أخر أعمال الفنانة بشرى، فيلم “معالي ماما” الذي عرض في فبراير الماضي، وسرعان ما تم رفعه من دور العرض بسبب قلة الإقبال عليه وتحقيقه إيرادات متواضعة.

وهو فيلم اجتماعي كوميدي تدور أحداثه حول علاقة الأم بأطفالها في ظل وجود مسئوليات أخرى تحيط بها، مثل عملها في منصب كبير.

بطولة: بشرى، ومحمود الليثي، ونور قدري، وشيماء سيف، وسامي مغاوري، من تأليف: نادر صلاح الدين، وإخراج: أحمد نور.