" جوزى بيتهمنى بعلاقة شذوذ بيني وبين أختى ومنعها من دخول البيت ".. مأساة زوجة

“جوزى من عمايله فيا بقيت برفض يلمسنى راح شك بوجود علاقة بينى وبين أختى” ... بتلك الكلمات روت زوجة لتحيا مصر من داخل محكمة الأسرة بعد أن رفعت عليه دعوى خلع لتتخلص من الحياة المأساوية التى عاشتها معه بسبب إهانته لها وتوجيه الشكوك التى تخدش من شرفها .

تحيا مصر

جوزى كل يوم مع واحدة ولما بواجهه بيضربنى 

بدأت الزوجة حديثها لتحيا مصر :" أنا وجوزى متجوزين من 10 سنين وعندنا بنت وولد جوزى راجل مفترى وبعد ما خلفت منه ضمننى وضمن أنى هفضل عايشة تحت رجليه العمر كله وبدأ يخوننى مع ستات على النت وشوفت بعينى المحادثات بينهم والصور اللى بيبعتوها لبعض وبيجيبهم كمان شقتى وأنا مش موجودة ولما عرفت كل ده من على تليفونه وواجهته راح ضاربنى ومكسر عضمى وقالى " مش كفاية أنك على ذمتى وبصرف عليكي وعلى عيالك ولو مش عاجبك سيبى البيت وأمشى ولما بالفعل كنت بقرر أمشى كان بيحبسنى فى الشقة وياخد منى المفاتيح ويهددنى بالعيال أنى مش هشوفهم تانى لو قررت أنفصل عنه ".

لما بيطلب منى العلاقة الزوجية برفض 

وتابعت الزوجة :" جوزى فى كل مرة كان بيخوننى فيها كنت بحس بكره جوايا من ناحيته وده كان بيوصلنى أنى مستحملش أخليه يلمسنى وفضلت 7 شهور كل مرة يطلب منى العلاقة الزوجية أرفض طلبه وأخترع حجج عشان ميحصلش بيننا حاجة مرة أقوله أ،ى هصحى بدرى عشان مدرسة الولاد ومرة أقوله أنى تعبانة وهكذا لحد ما فى مرة لما لقيته عايز يقرب منى غصب مقدرتش أتمالك أعصابى وقولتله " روح للستات اللى بتخوننى معاهم خليهم يسددولك أحتياجك ومتقربش منى تانى " راح كالعادة نزل فيا ضرب لحد ما فقدت الوعى بسببه ".

رجع البيت لقانى أنا وأختى بلبس البيت وشك فينا 

وأستكملت الزوجة حديثها :" أنا ليا أخت أكبر منى بـ3 سنين ومتعودة دايماً على مدار السنين اللى عيشتها مع جوزى أن كل خناقة بتحصل بينى وبينى بلب منها تجيلى البيت عشان تهون عليا شوية وجوزى عمره ما حبها عشان كانت بتنصحنى دايماً أنى أطلب منه الطلاق فكان بيحس أنها هتبقى السبب فى خراب البيت وده مش حقيقى لأنها طيبة وكل هدفها مصلحتى  لحد ما فى مرة فى الفترة اللى كنت ممتنعة فيها عن جوزى كان هو برة فى الشغل وأختى كانت عندى فى البيت وأنا وهى متعودين نلبس قمصان نوم براحتنا مع بعض طالما مفيش رجالة معانا وفى اليوم ده جوزى على عكس العادة رجع البيت بدرى وكانت هى لسة مروحتش بيتها ولما رجع ولقانى بقميص النوم دخل شك أن يبقى معايا راجل فى البيت ودخل جرى على أوضة النوم وشاف أختى وهى على السرير ولابسة هى كمان لبس مكشوف راح أتحرج وخرج فوراً وأختى خدت بعضها ومشيت ".

رفع دعوى خلع 

وأختتمت الزوجة حديثها :" جوزى لما شافنى فى الوضع ده أنا واختى شك فينا وقالى " أنا فهمت دلوقتى أنتى مانعة نفسك منى لية طول الفترة دى أتاريكى مقضياها مع أختك ومن هنا ورايح لو شوفتها فى البيت عندنا تانى هقطعلها رجليها " كلامى جوزى قهرنى أن بعد عشرة 10 سنين يشك فيا وومع مين ؟ مع أختى اللى مفيش أنقى من علاقتى بيها ده راجل مريض وخسارة فيه عمرى اللى ضاع عليه لميت هدومى وخدت عيالى بدون علمه وسيبلته البيت وروحت أعيش مع أختى ورفعت عليه دعوى طلاق للضرر عشان أخد منه كل حقوقى وأرتاح منه ".