مريم الخشت: كل حاجة ليها علاقة بالتمثيل صعبة.. ولو تخنت شوية مش هشتغل

أكدت الفنانة الشابة مريم الخشت على أن كل شيء متعلق بمهنة التمثيل صعب، وذلك خلال لقاءها ببرنامج جوسيبس على مواقع التواصل الاجتماعي.

تحيا مصر يرصد تفاصيل تصريحات مريم الخشت في جوسيبس

تصريحات مريم الخشت في جوسيبس

حيث قالت الخشت: “كل حاجة ليها علاقة بالتمثيل صعبة ومش مريحة وممكن تتعود عليها، الحاجة الوحيدة اللي مريحة هي لحظة الوقوف قدام الكاميرا".

وتابعت: وتنفيذ الحاجة اللي أنت جاي تعملها.. أي حاجة تانية زي ساعات الانتظار الطويلة وقلة النوم وفكرة أنك دائما شخصية عامة.

مريم الخشت: لو تخنت شوية مش هشتغل

وفي الحلقة ذاتها، كشفت الخشت عن تصنيف الممثلات في الوقت الحالي، فقالت: تصنيف الممثلات دلوقتي أهم حاجة شكلك وبعدين نشوف شاطرة، بتمثلي مبتمثليش بتغني بترقصي.

واضافت: لو هايلة في كل حاجة وشكلك مش حلو هنمسك في أن شكلك مش حلو.. فكرة شكل الممثلة بيوتر، بس مش المفروض يكون كدا، اللي هو أنا لو تخنت شوية مش هشتغل.

تعرض مريم الخشت للتنمر

كما تحدثت الفنانة الشابة مريم الخشت عن تفاصيل تعرضها للتنمر في مرحلة طفولتها، وقالت الخشت: “أنا كبرت في تنمر بشع في المدرسة عشان رفيعة أوي، والموضوع دا كان مسبب ليا أزمة عشان كنت حاسة في وسط البنات أني عصاية".

وتابعت: "ودايما كنت حاسة أني مش زيهم وأني رفيعة وشكلي مش حلو، عشان دي كانت الصورة اللي بتتقال ليا دايما، بس بعد كدا تخطيت دا تماما”.

أخر أعمال مريم الخشت

ومن الجدير بالذكر أن أخر أعمال مريم الخشت مسلسل أخر دور، الذي تدور أحداثه بعد قرار الحكم ببراءتها من جريمة قتل زوجها كريم، تظن روان أن كل شيء سيعود كما كان، وبإمكانها العودة إلى عملها وحياتها السابقة؛ لكن مع قفز الممثلة سلمى من شقتها وسقوطها مدرجة في دمائها، تبدأ الأمور تسوء أكثر، وخاصة مع تعرضها للابتزاز من شخص مجهول، وعليها الآن كشف هذا اللغز.