محمد ثروت مازحًا: كل سنة والستات كلها بخير ماعدا أم صالح

احتفل الفنان محمد ثروت بيوم المرأة العالمي بطريقة مازحة مع جمهوره، وذلك عبر حسابه الرسمي بموقع تبادل الصور والفيديوهات الشهير انستجرام. 

تحيا مصر يرصد لكم تفاصيل أخر منشورات محمد ثروت 

محمد ثروت ويوم المرأة العالمي 

ونشر محمد ثروت صورة له من إحدى أفلامه، معلقًا: كل سنة والستات كلها بخير ماعدا أم صالح. 

ويذكر، أن كشف الفنان محمد ثروت عن رأيه في العلاقة بين الرجل والمرأة، مشيرا إلى أن الأمهات تتعرض لضغط كبير على مدار يومها.

محمد ثروت في برنامج معكم منى الشاذلي

وقال محمد ثروت خلال حلوله ضيف على برنامج معكم، الذي تقدمه الإعلامية منى الشاذلي على قناة cbc: الأمهات والستات بيكون عليهم ضغط كبير جدا..  ودور الزوج إنه يدلع  ويشيل شوية ويلطف والعلاقة أما تبقى تعاونية بتكون حلو ولازم الطرف الأول يكون مقدر مجهود وتعب الطرف التاني.

وعن طفولته: فقال: أمي كانت بتصحى الساعة 7 الصبح وتصحيني أروح المدرسة مكنش فيه حاجة اسمها أكسل، والتعليم القديم بتاعنا لو معلمتش الواجب خد 5 عصيان بس كنا بنحفظ شوية وبنتعامل كويس لكن العيال دلوقتي في رفاهية.

وقاطعته يسرا اللوزي في الحديث، قائلة: ماله كيس السندوتشات وواحدة شمعدان وبيت عصير وخلصت اي اللانش بوكس ده، فكرة الانش بوكس واشكالها وألوانها خلت الحياة بقت أصعب.

وتحدث محمد ثروت عن تعاونه مع الزعيم عادل إمام وقال: كنت مبسوط بالتعامل مع عادل إمام هو فنان عنده خبرة كبيرة جدًا في التعامل مع الفنان اللي بيتعامل معاه، واكتسبت منه خبرة كبيرة في التعامل، وعادل إمام حاجة كبيرة جدًا.

قصة حب محمد ثروت وزوجته

وعن قصة حبة لزوجته منى، كشف الفنان محمد  ثروت: اتجوزت منى مراتي قبل ما اتشهر وقصة حبنا طريفة جدا، وكنت في تجارة عين شمس لمدة 7 سنوات، وكنت بسقط عشان أمثل، وكنت باجي أدي خبراتي لمسرح الجامعة، وكانت منى مراتي لسه داخلة الجامعة.

وأضاف: وكل شوية تسألني دا حلو أقولها آه وهكذا، ومن هنا جه التعارف، وكان الفريق بيخليها الواجهة بتاعته، ومن يومها وأخدت منها رقم التليفون وبدأ الارتباط بينا