"كل سنة والستات بخير".. شيرين رضا تحتفل باليوم العالمي للمرأة

حرصت الفنانة شيرين رضا على توجيه رسالة للمرأة، وذلك بمناسبة اليوم العالمي للمرأة والذي يحل اليوم الثلاثاء 8 مارس.

تحيا مصر يرصد لكم احتفال شيرين رضا باليوم العالمي للمرأة

ونشرت شيرين رضا فيديو مجمعا من أعمالها الدرامية عبر حسابها بموقع تبادل الصور والفيديوهات انستجرام، وعلقت كاتبة: “لكل ست حكاية وكل حكاية بتشكل حياة.. كل سنة وكل الستات بخير”.

تصريحات شيرين رضا

وسبق وكشفت الفنانة شيرين رضا عن رأيها في الخيانة الزوجية، وخيانة الرجل بشكل خاص، وذلك خلال لقائها اليوم ببرنامج ab talks مع الإعلامي أنس بوخش، وقالت: "الست ممكن تتجوز راجل خاين، وهتضطر تقبل لو عايزة تتجوز، ولو اتجوزت واحد عن حب وتفاهم وصداقة عمره ما هيخونها، لكن لو اتجوزت عشان تهرب من بيت أهلها أو عشان معاه فلوس هيخونها".

وعن خيانة الرجل قالت: كلنا متوقعين الراجل يخون، خيانة الرجل متوقعة ومش بخرف، خيانة الرجل حاجة عادية أنا بتوقعها، واحنا عودنا الراجل على كدا، احنا بنديله حقوق عشان هو راجل، فلما يكبر هياخد حقوقه وأكتر.

تجربة شيرين رضا مع الزواج

وفي الحلقة ذاتها، تحدثت الفنانة شيرين رضا عن تجربة زواجها، حيث قالت شيرين: “حاولت أكون زوجة كويسة، وكنت زوجة كويسة، طبخت، مكنتش بنضف عشان مش بحب التنضيف، ولكن بحب المطبخ، ومعنديش مانع أطبخ 3 مرات في اليوم، لكن الحياة مش بتمشي دايما زي ما بنتمناها، عشان كدا منجحش الموضوع.. فكرة الزواج زائفة من وجهة نظري، لأن الجواز حياة مشاركة بين فردين ودا مش بيحصل.. ولا أنصح بالزواج دلوقتي”.

وتابعت شيرين: “وأنا مش هتجوز تاني عشان مفيش أي حد في حياتي أقدر أقول أن أنا ممكن أتجوزه، عشان تقبل حد موجود بصفة دايمة في حياتك بيحتاج وقت، أنا بقالي كتير لوحدي”.

شيرين رضا تكشف عن طفولتها

وسبق وكشفت الفنانة شيرين رضا عن تفاصيل طفولتها وعلاقتها بوالديها، حيث قالت شيرين: “طفولتي كانت رائعة، ومطلبتش أحسن من كدا، أو ممكن أكون طلبت يكون عندي أخ أو أخت، عشان كنت طفلة وحيدة.. اتولدت بعد جواز والدي ووالدتي بست سنين، ووالدي كان عايز بنت.. ولما اتولدت استمتعوا بيا وخلوني استمتع بطفولتي”.