شيري عادل: بعد الجواز أنا اتغيرت للأحسن

كشف الثنائي طارق صبري وشيري عادل عن قصة الحب التي جمعتهما، كما كشفت الفنانة شيري عادل عن موعد حفل زفافها.

تحيا مصر يرصد لكم تصريحات شيري عادل وطارق صبري

وقال الثنائي خلال استضافتهما في برنامج صاحبة السعادة والتي تقدمه الإعلامية إسعاد يونس ويعرض عبر قناة  دي أم سي: بقينا فجأة فى حياة بعض، واتعودت على وجودها فى كل مكان حتى مكان عملى".

وقالت شيرى: بعد ما قربنا من بعض بدأ يبان إن فيه حاجة بينا، واتفقنا إننا نتجوز، كنت بنتعشى مع بعض وقال لى: عايزة اتجوزك، وبعد ما اتفقنا كل ما أقول لحد يقولنا مستعجلين ليه كدة؟.

طارق صبري: شيري تشتري كل حاجة وأنا بدفع بس

وأضاف طارق: "فى البداية محدش عرف عن علاقتنا غير القريبين، والأسرتين، والأحسن إن العلاقات تتبني في هدوء"، وعن تفاصيل زواجهما، أوضح صبرى: "كل حاجة عليا، ومفيش حاجة على ذوقى، بروح أدفع بس".

شيري عادل: هعمل فرحي في الصيف عشان بحب البحر

كما كشف الثنائي عن موعد حفل الزفاف وأعلنت شيرى عادل أن حفل الزفاف سيقام فى الصيف المقبل، وعن السبب قالت: "كان نفسى أعمل فرحى على البحر، قولت نعلمه فى الصيف، بالنسبة له الفرح مش أهم حاجة، قال لى: نتجوز وبعد كدة نعمل الفرح".

وعن عيوب كل منها قالت شيرى: "نفس عيوب ما قبل الزواج.. عمر ما اتنين هيعرفوا بعض قبل الجواز زى بعد الجواز"، وأضافت شيرى: "بعد الجواز أنا اتغيرت للأحسن".

وحول علاقة شيرى عادل بالمطبخ قال طارق: "فى مرة عملت لى بروكلي بالبشاميل، كنت أول مرة أكله، وعجبني جدا".

قصة حب شيري عادل وطارق صبري

وبدأ صبري يروي قصة حبه بـ شيري عادل من بداية تعارفهما، فقال: احنا اشتغلنا بنات سوبر مان من 2016، كنا زمايل خالص بس مكنش فيه علاقة عاطفية، و بقينا أصحاب وبنسأل على بعض كل فترة وكان عندي شوية إعجاب تجاه شيري وكنت بحاول أسأل عليها كل فترة وتعالي نتقابل وكانت بتحلقلي كانت دايما بتيجي على بالي ومتقبلناش غير مرة في اجتماع عند أشرف عبد الباقي، ومرة قولتلها تعالي نتقابل قالتي انا قاعدة جنب القط بتاعي فعرفت انها بتحلقلي.