شيري عادل وطارق صبري عن قصة حبهم: جت صدفة

تحدث الثنائي الفني شيري عادل وطارق صبري عن صداقتهم التي تطورت إلى قصة حب من ثم انتهت بعقد قران، ترقبا للحفل الزفاف خلال أيام.

تحيا مصر يرصد في ذلك التقرير تصريحات شيري عادل وطارق صبري في صاحبة السعادة

وقال طارق صبري خلال حلوله ضيف على برنامج صاحبة السعادة التي تقدمه الإعلامية إسعاد يونس على شاشة قناة dmc: “إحنا صحاب، وفجأة حسينا إنها ليها 10 مليون حما وأنا نفس الكلام المفروض كنا نروح نتفق مع الناس وده حب حسينا كأن الناس كلها حضرت الفرح، ودي حاجة بسطتنا جدا هما اتفجؤوا بس كان فيه معايدات ومباركات”.

طارق صبري عن شيري عادل: كنتب بقولها تعالي نتقابل وكانت بتحلقلي

وبدأ صبري يروي قصة حبه بـ شيري عادل من بداية تعارفهما، فقال: احنا اشتغلنا بنات سوبر مان من 2016، كنا زمايل خالص بس مكنش فيه علاقة عاطفية.

وتابع: بقينا أصحاب وبنسأل على بعض كل فترة وكان عندي شوية إعجاب تجاه شيري وكنت بحاول أسأل عليها كل فترة وتعالي نتقابل وكانت بتحلقلي كانت دايما بتيجي على بالي ومتقبلناش غير مرة في اجتماع عند أشرف عبد الباقي، ومرة قولتلها تعالي نتقابل قالتي انا قاعدة جنب القط بتاعي فعرفت انها بتحلقلي.

وأوضحت شيري عادل: أنا عندي القط بتاعي كان تعبان وكنت قاعدة جنبه عشان علاجه، فبقوله فعلا اني مش هقدر أنزل، بعدها بـ 3 أسابيع كان معروض عليا مسلسل حلو أوي وبعدها جتلي سفرية مفاجأة وكلمتهم وعرفتهم.

مخرج السبب.. لحظة وقوع شيري عادل في حب طارق صبري

واستكمل صبري الحديث قائلا: أنا مكنش ليا دعوة بالموضوع أصلا وأخت المخرج زميل لينا، وبتسألني عن حاجة بعيدا عن الموضوع خالص، وأنا معاها في التليفون قالتي اتخضت وقالتلي استنى دقيقة، راحت ورجعت واحدة تانية، حصل ظرف صحي لزميلنا المخرج وبينقلوه على المستشفى ووقتها اتخضيت وقولتها لو محتاجة حاجة وقفلت وبالصدفة كان قبلها بشهرين جالي حاجة في القلب صحية فاتعطفت معاها.

وأضاف: روحتله المستشفى وكانوا بيعملوله تشخيص وكدة، ولقيت حد دخل عليا فجأة من الانتاج وبتقولي شيري عادل كلمتك، أنا استغربت وقتها وقولت الأكونت بتاعي متهاك وبعدها قولتلها كلمتني فين وكدة بعدها سكتت وسابتني

هما بشكل ما ربطوا ان اعتذارها هو السبب، فاما كلمتني اشتغلتها بقى وفضلت اقول الراجل يقول ميصحش وهي السبب وبتاع وبعدها هزرت معاها وبدأ من هنا قربنا من بعض تاني يوم روحنا زورناه مع بعض هي طلبت وأنا مصدقت وقربنا ببعض وهو ليه معزة خاصة بالنسبالنا.

شيري عادل: فجأة بقينا في حياة بعض 

واختتمت شيري الحديث، فقالت: بدأ يكلمني من المستشفى وأنا اسأل عليه وهو عمل حاجات من اللي بنحبهم، والموضوع بقى كأن اتنين المفروض يقابلوا بعض كل يوم ويكلموا بعض كل يوم وفجأة بقينا في حياة بعض، وبعدها عرض عليا الجواز.